سابق قومی کرکٹر نے ایشین گیمز کے فائنل میں بھارت کے خلاف حسن نواز کی شاندار اننگز کی تعریف کردی۔
ہانگژو میں کھیلے گئے ایشین گیمز کے سنسنی خیز کرکٹ فائنل میں روایتی حریف بھارت نے پاکستان کو 19 رنز سے شکست دے کر ٹائٹل اپنے نام کر لیا۔ جس کے بعد بھارت کو گولڈ اور پاکستان کو سلور میڈل ملا۔ اس شکست کے ساتھ ہی پاکستان ایشین گیمز میں ایک بھی گولڈ میڈل نہ جیت سکا۔
میچ کا احوال کچھ یوں رہا کہ بھارتی ٹیم نے ٹاس جیت کر پہلے بیٹنگ کا فیصلہ کیا اور مقررہ اوورز میں پاکستان کو جیت کے لیے 212 رنز کا پہاڑ جیسا ہدف دیا۔
ہدف کے تعاقب میں پاکستان ٹیم مقررہ اوورز میں 192 رنز بنا سکی۔ حسن نواز کی 96 رنز کی شاندار اننگز بھی ٹیم کو فتح نہ دلا سکی۔ دیگر بیٹرز میں صائم 29، معاذ 23، فرحان 10، عبدالصمد 9 اور عثمان 3 رنز بنا سکے۔ اس طرح بھارت نے فائنل معرکہ سر کر کے ایشین گیمز کا گولڈ میڈل اپنے نام کیا۔
یہ پڑھیں: صائم ایوب کے ویبھو سوریاونشی کو ٹرول کرنے پر بھارتی شائقین بھڑک اٹھے
تاہم سابق کپتان شاہد آفریدی نے حسن نواز کی اننگز کی تعریف کی اور ایکس پر لکھا کہ حسن نواز نے کیا ہی شاندار اننگز کھیلی، یہ واقعی اعلیٰ معیار کی اور ہر لحاظ سے گولڈ میڈل کے قابل اننگز تھی۔
انہوں نے مزید لکھا کہ لڑکوں! ہمت نہ ہارنا آپ کا مقابلہ کرنے کا انداز بہت پسند آیا۔
What a knock by Hassan Nawaz! That was absolute quality, a gold medal-worthy innings in every sense.
At the end of the day, India just played better overall cricket and earned the win. Heads up boys, loved the fight!
#AsianGames
— Shahid Afridi (@SAfridiOfficial) October 3, 2026
محمد یوسف نے بھی آفریدی کے خیالات کی تائید کی اور بھارت کے خلاف نواز کی کارکردگی کو “مضبوط” قرار دیا۔
یوسف نے لکھا کہ حسن نواز نے زبردست کارکردگی کا مظاہرہ کیا اور بین الاقوامی کرکٹ میں اپنے گزشتہ تسلسل کو برقرار رکھا؛ پاکستان نے کامیابی کے حصول کے لیے مختلف پہلوؤں سے مثبت پیش رفت کی ہے۔
#HassanNawaz delivered a strong performance, picking up right where he left off in international cricket, Pakistan finding bits and pieces to make it count. #PakvsInd #AsianGames
— Mohammad Yousaf (@yousaf1788) October 3, 2026
