بھارت کی معروف اداکارہ شہناز گل دوران پرواز خوفزدہ ہوگئیں جس کی ویڈیو سوشل میڈیا پر وائرل ہوگئی۔
بھارتی میڈیا رپورٹ کے مطابق اداکارہ شہناز گل کو پرواز کے دوران خوفناک تجربے کا سامنا کرنا پڑا کیونکہ پرواز خراب موسم کے باعث ہچکولے کھانے لگی تھی۔
اس دوران تمام مسافروں میں خوف و ہراس پھیل گیا۔
شہناز گل اپنے بھائی شہباز کے ساتھ سفر کررہی تھیں اور اس دوران طیارے کے ہچکولے کھانے پر وہ دعائیں کرنے لگیں۔
ویڈیو میں دیکھا جاسکتا ہے کہ جیسے ہی جہاز نے رن وے کی طرف اترنا شروع کیا، شہناز جہاز کے بحفاظت اترنے کی دعا کرتی نظر آئیں۔ طیارے کے زمین پر اترنے کے بعد اداکارہ اور دیگر مسافروں نے سکون کا سانس لیا۔
شہناز گل نے ویڈیو شیئر کرتے ہوئے کیپشن میں لکھا کہ بہت مشکل سے بچے آج… طیارے کے باحفاظت اترنے پر بہت شکر گزار ہوں۔
رپورٹ کے مطابق اداکارہ ممبئی ایئرپورٹ پر اتریں لیکن یہ معلوم نہیں ہوسکا کہ وہ کہاں سے پرواز میں سوار ہوئی تھیں۔
یہ پڑھیں: پیسہ بہت اہم ہے، یہ آپ کو عزت دیتا ہے: شہناز گل
واضح رہے کہ شہناز گل کو آخری بار پنجابی فلموں ’عشق نامہ‘ اور ’سنگ ورس کور 2‘ میں دیکھا گیا تھا جن میں گپی گریوال نے بھی اہم کردار نبھایا تھا۔
