وزیر اعظم شہباز شریف نے عیدالاضحیٰ پر قوم اور اُمت مسلمہ کو مبارکباد دیتے ہوئے کہا ہے کہ اعلیٰ مقصد کیلئے جان، خواہشات اور مفادات قربان کرنا ایمان کی معراج ہے، قربانی کا جذبہ انسانیت، ایثار اور ذمہ داری کا احساس پیدا کرتا ہے۔
وزیراعظم نے اپنے پیغام میں کہا ہے کہ عیدالاضحیٰ ہمیں سنت ابراہیمی، قربانی اور اطاعت خداوندی کا درس دیتی ہے۔
انہوں نے کہاک ہ اعلیٰ مقصد کیلئے جان، خواہشات اور مفادات قربان کرنا ایمان کی معراج ہے، قربانی کا جذبہ انسانیت، ایثار اور ذمہ داری کا احساس پیدا کرتا ہے۔
وزیراعظم نے کہا کہ دہشتگردی کے خلاف جان قربان کرنے والے شہدا قومی فخر ہیں، عید پر غریبوں، مستحقوں اور نادار افراد کا خاص خیال رکھیں، اتحاد، یگانگت اور ایثار ہی قوموں کی ترقی اور استحکام کی ضمانت ہیں۔
اس کے علاوہ فیلڈ مارشل عاصم منیر ،ائیر چیف اور نیول چیف کی جانب سے بھی قوم کو عیدالاضحیٰ کی خصوصی مبارکباد پیش کی گئی ہے۔
آئی ایس پی آر کے مطابق مسلح افواج ملک میں دیرپا امن، خوشحالی اور قومی یکجہتی کیلئے دعاگو ہیں، افواج ملک کی خودمختاری اور علاقائی سالمیت کے دفاع کیلئے پرعزم ہیں۔
آئی ایس پی آر کاکہنا ہے کہ عیدالاضحیٰ قربانی، ایمان اور یکجہتی کی علامت ہے، عیدالاضحیٰ کے موقع پر شہدائے پاکستان کے اہلِ خانہ کو خصوصی خراجِ عقیدت پیش کرے ہیں ، شہدا کی قربانیوں نے وطنِ عزیز کی بنیادوں کو مزیدمضبوط بنایا ۔
Leave a Reply