بہت زیادہ ذہین افراد ہی ریاضی کے اس معمے کا جواب دے سکتے ہیں

ریاضی کا ایک سادہ مسئلہ لگ بھگ ہر فرد کے دماغ کو گھما کر رکھ دیتا ہے۔

کچھ عرصے قبل اس سوال کو ایک سوشل میڈیا پلیٹ فارم پر شیئر کیا گیا تھا۔

اس طرح کے سوالات دماغی آزمائش کے لیے بہترین ہوتے ہیں اور ان سے دماغی افعال کو بہتر بنانے میں مدد ملتی ہے۔

اوپر موجود تصویر کا سوال بھی کچھ ایسا ہی ہے درحقیقت اسے تیار کرنے والوں کا دعویٰ ہے کہ بہت زیادہ ذہین افراد ہی اس کا جواب دے سکتے ہیں۔

جیسا آپ دیکھ سکتے ہیں کہ سب سے اوپر 6، 6، 6، 6 = 24 لکھا ہے جبکہ اس کے نیچے 2، 2، 2، 2 = 00 اور پھر 4، 4، 4، 4 = 08 موجود ہے۔

آخری لائن میں 8، 8، 8، 8 = ؟ سوالیہ نشان دیا گیا ہے یعنی آپ کو بتانا ہے کہ وہاں کونسا نمبر آئے گا۔

ویسے آپ کو گمشدہ نمبر کا اندازہ لگانے کے لیے یہ تعین کرنا ہوگا کہ نمبروں کا پیٹرن کس طرح ایک دوسرے سے جڑا ہوا ہے۔

کیا اب بھی آپ سوال کا جواب دینے سے قاصر ہیں؟

اگر ہاں تو چلیں ہم ہی جواب دے دیتے ہیں۔

تو اس میں آپ کو پہلے 2 نمبروں کو ضرب دینا ہے اور آخری 2 نمبروں کو جمع کرنا ہے اور دونوں کے مجموعے کو تفریق کر دیتا ہے۔

یعنی 6 کو 6 سے ضرب دینے پر 36 آئے گا اور 6 کو 6 سے جمع کرنے پر 12 آئے گا، اب 36 کو 12 سے تفریق کرنے پر 24 بچے گا۔

ایسا ہی 2 ضرب 2 اور 2 جمع 2 کرنے پر ہوگا یعنی دونوں کا مجموعہ 4، 4 ہوگا جسے تفریق کرنے پر صفر باقی بچے گا۔

تیسری لائن میں 4 ضرب 4 کرنے پر 16 آئے گا اور پھر 4 جمع 4 کرنے پر 8، دونوں کو تفریق کرنے پر 8 باقی بچے گا۔

آخری لائن میں 8 ضرب 8 کرنے پر 64 اور 8 جمع 8 پر 16 آئے گا، جسے تفریق کرنے پر 48 باقی بچے گا۔

تو اس سوال کا جواب 48 ہے۔