لندن: برطانیہ میں مشتبہ گاڑی کا تعاقب کرنے والی پولیس موبائل کو حادثہ پیش آیا ہے جس کے نتیجے میں 2 اہلکاروں سمیت 7 افراد ہلاک ہوگئے۔
برطانوی میڈیا رپورٹ کے مطابق مشتبہ گاڑی کا تعاقب کرنے والی پولیس موبائل غلط سمت سے آنے والی گاڑی سے ٹکرائی، دونوں گاڑیوں میں سوار تمام افراد موقع پر ہی ہلاک ہوگئے۔
پولیس نے بتایا ہے کہ حادثہ ’مڈلزبرو‘ کے قریب پیش آیا ہے۔
International News Today – US, UK, Saudi Arabia, UAE, Kuwait
حادثے میں ہلاک ہونے والے کچھ افراد کی شناخت فوری طور پر نہیں ہوسکی ہے جبکہ پولیس کا کہنا ہے کہ شناخت شدہ افراد کے اہلخانہ کو مطلع کردیا گیا ہے۔
مقامی قانون ساز اینا ٹرلی نے کہا کہ کلیولینڈ پولیس حادثے کی تحقیقات کررہی ہے۔
