ایک چینی کمپنی نے ایسا انوکھا لیپ ٹاپ تیار کیا ہے جو پانی کے اندر بھی کام کرسکتا ہے۔
جی ہاں واقعی اوکی ٹیل نامی کمپنی کا آر جی 14 پی لیپ ٹاپ بظاہر کسی روایتی دفتر کی بجائے میدان جنگ کو مدنظر رکھ کر ڈیزائن کیا گیا ہے۔
ونڈوز 11 آپریٹنگ سسٹم پر چلنے والے اس لیپ ٹاپ کے اندر 14 جنریشن انٹیل کور آئی 7 پراسیسر موجود ہے جس کے ساتھ 16 جی بی ریم اور 512 جی بی اسٹوریج دی گئی ہے جس میں مزید اضافہ کیا جاسکتا ہے۔
کمپنی کا تو دعویٰ ہے کہ ڈیٹا پراسیسنگ، ملٹی ٹاسکنگ اور ڈائیگناسٹک میں یہ لیپ ٹاپ ڈیسک ٹاپ جتنا بہتر ہے۔
مگر اس کی خاص بات پرفارمنس نہیں بلکہ اس کی مضبوطی ہے۔
یہ آئی پی 68 اور آئی پی 69K سرٹیفائی ہے جس کا مطلب ہے کہ گرد، پانی اور پانی کے دباؤ کو برداشت کرسکتا ہے۔
اس کا وزن 3.7 کلوگرام ہے اور کافی پتلا ہے۔
کمپنی کے مطابق اس لیپ ٹاپ کو آپ پانی میں ڈبو دیں تو بھی اسے کوئی فرق نہیں پڑے گا۔
لیپ ٹاپ کے اندر 3000 ایم اے ایچ کی بیٹری کے ساتھ 5200 ایم اے ایچ بیٹری دی گئی ہے، یعنی ڈوئل بیٹری لیپ ٹاپ ہے۔
لیپ ٹاپ میں سولر چارجنگ کا فیچر موجود ہے اور اس کے لیے ڈیوائس کے اوپر سولر پینل کو دیا گیا ہے تاکہ سورج کی روشنی میں وہ چارج ہوسکے۔
البتہ سورج میں چارج کرنے پر 6 گھنٹوں میں 50 فیصد بیٹری چارج ہوگی۔
14.1 انچ کے ڈسپلے والے لیپ ٹاپ میں 180 ڈگری میگنیٹک پرائیویسی کیمرا موجود ہے۔
Leave a Reply