انسپکٹر جنرل (آئی جی) سندھ پولیس جاوید عالم اوڈھو نے کہا ہے کہ سندھ کے بڑے ڈکیٹ ثنااللہ شر نے ہتھیار ڈال دیے۔
آئی جی سندھ جاویدعالم اوڈھو کے مطابق سندھ حکومت نے ڈاکو ثنااللہ شرپر ایک کروڑ روپے انعام مقررکیا تھا۔
انہوں نے دعویٰ کیا کہ ثنااللہ شرکی گرفتاری کے بعد اغوا برائے تاوان کا باب اختتام کو پہنچے گا اور ثنااللہ شرکے ساتھیوں نےبھی ہتھیارپھینکنا شروع کردیے ہیں۔
ان کا کہنا تھاکہ کچے کے پورے علاقے کو ڈاکوؤں سے پاک کیا جائے گا، ڈاکوثنااللہ شرقبائلی تنازعات میں بھی ملوث تھا اور ڈاکوثنااللہ شر سندھ اورپنجاب کے کچے کے علاقوں میں آپریٹ کرتا تھا، ثنااللہ شرکی گرفتاری بہت بڑی کامیابی ہے۔
انہوں نے کہا کہ : ثنا اللہ شر پر ایک سو سے زائد مقدمات درج تھے اور پولیس کواہلکاروں کو شہید کرنے اغوا برائے تعاوان سمیت سنگین مقدمات میں مطلوب تھا۔
آئی جی سندھ کا مزید کہنا تھاکہ جوبھی ڈاکو ہتھیارپھینکےگا اس کو کوئی نقصان نہیں پہنچے گا، سرینڈر کرنے والے ڈاکوؤں کو عدالتوں میں پیش کیا جائے گا۔
Leave a Reply