واٹس ایپ کی جانب سے اضافی فیچرز تک رسائی کے لیے ماہانہ فیس پر مبنی ایک سبسکرپشن پلان کی تیاری پر کام کیا جا رہا ہے۔
Wabetainfo کی رپورٹ کے مطابق اس آپشنل سبسکرپشن پلان پر واٹس ایپ کی جانب سے جانب سے کام کیا جارہا ہے۔
اس سبسکرپشن پلان میں ایسے اضافی فیچرز تک صارفین کو رسائی فراہم کی جائے گی جو دیگر کو دستیاب نہیں ہوں گے۔
واٹس ایپ کے اینڈرائیڈ ڈیوائسز کے لیے نئے بیٹا ورژن میں اس سبسکرپشن پلان کو دریافت کیا گیا۔
رپورٹ میں بتایا گیا کہ سبسکرائبرز کو ان کی ضروریات کے مطابق خصوصی فیچرز تک رسائی فراہم کی جائے گی۔
اس سے قبل ایک رپورٹ میں بتایا گیا تھا کہ میٹا کی جانب سے انسٹا گرام، فیس بک اور واٹس ایپ میں نئی سبسکرپشن سروسز کی آزمائش کی جا رہی ہے۔
اب نئی رپورٹ میں بتایا گیا کہ واٹس ایپ میں سبسکرپشن پلان کے ساتھ ساتھ ایک نئے فیچر ایپ آئیکون کسٹمائزیشن کی آزمائش بھی کی جا رہی ہے جس سے صارفین اپنی ہوم اسکرین پر واٹس ایپ آئیکون کو کسٹمائز کرسکیں گے۔
اس کے علاوہ سبسکرائبرز کو دیگر کارآمد فیچرز بھی دستیاب ہوں گے جیسے وہ 3 سے ائد چیٹس کو پن کرسکیں گے۔
ابھی واٹس ایپ میں صرف 3 چیٹس کو پن کرنا ممکن ہے۔
ابھی یہ کہنا مشکل ہے کہ اس سبسکرپشن سروس کو کب تک متعارف کرایا جائے گا۔
سبسکرپشن پلان کی فیس بھی ابھی واضح نہیں اور ممکنہ طور پر ہر ملک کے لیے مختلف ہوگی۔
اہم بات یہ ہے کہ سبسکرپشن سروس آپشنل ہوگی جبکہ بنیادی فیچرز جیسے میسجنگ، وائس اور ویڈیو کالنگ سمیت اینڈ ٹو اینڈ انکرپشن بدستور مفت دستیاب ہوں گے۔
Leave a Reply