ایران کا یورپی یونین کی جانب سے ایران کی پاسداران انقلاب فورس کو دہشت گرد تنظیم قرار دینے پر سخت ردعمل سامنے آگیا۔
غیر ملکی خبر رساں ایجنسی کے مطابق یورپی وزرائے خارجہ نے پاسدارانِ انقلاب کو دہشت گرد تنظیموں میں شامل کرنے کی منظوری دے دی۔
ای یو خارجہ پالیسی چیف کایا کالاس کا کہنا ہے کہ جبر کو جوابدہ کیے بغیر نہیں چھوڑا جا سکتا، جو حکومت اپنے ہزاروں لوگوں کو قتل کرتی ہے وہ اپنی تباہی کی طرف بڑھتی ہے۔
ایرانی وزیر خارجہ عباس عراقچی کا کہنا ہے کہ یورپ ایرانی پاسداران انقلاب کو دہشت گرد تنظیم قرار دے کر بڑی اسٹریٹیجک غلطی کر رہا ہے۔
ایرانی فوج نے کہا ہے کہ یورپی یونین کا پاسداران انقلاب کو دہشت گرد تنظیم قرار دینے کا فیصلہ غیر ذمہ دارانہ اور عناد پر مبنی ہے۔
ایرانی فوج کی جانب سے کہا گیا ہے کہ یورپی یونین کا غیرمنطقی اقدام بلاشُبہ امریکا اور اسرائیل کی غیرانسانی پالیسیوں کی اندھی تابعداری ہے۔
Leave a Reply