متحدہ عرب امارات نے گرافین نامی میٹریل کی تیاری کا اعلان کیا ہے جسے برطانیہ کو برآمد کیا جائے گا۔
اس سلسلے میں شارجہ کی گیس کمپنی Dana اور برطانوی ٹیکنالوجی کمپنی Lividian کے درمیان معاہدہ ہوا ہے۔
گرافین بنیادی طور پر کاربن کی ایک قسم ہے جسے دنیا کا سب سے مضبوط اور ہلکا مٹیریل سمجھا جاتا ہے۔
اسے کاربن بیٹریز، تعمیرات، پینٹس، میڈیکل ڈیوائسز اورسنسرز میں استعمال کیا جاتا ہے۔
اس منصوبے کے لیے ابتدائی سرمایہ کاری 20 سے 50 لاکھ ڈالرز کے درمیان ہوگی جسے بتدریج 5 کروڑ اور پھر50 کروڑ ڈالرزتک بڑھایا جاسکتا ہے۔
اس منصوبے کے تحت شارجہ کی کمپنی گرافین تیار کرکے برطانوی کمپنی کو برآمد کرے گی۔
یو اے ای سے درآمد کی جانے والی گرافین کو برطانیہ میں جدید ٹیکنالوجی کے لیے استعمال کیا جائے گا۔
پہلے مرحلے میں سالانہ تقریباً 15 ٹن گرافین تیار کیا جائے گا۔
Leave a Reply