کراچی کے شہریوں نے بلاول ہاؤس کے قریب وی آئی پی موومنٹ کے لیے لگایا جانے والا پروٹوکول توڑ دیا۔
کراچی میں گزشتہ روز بلاول ہاؤس کے قریب وی آئی پی موومنٹ کے باعث سخت سکیورٹی انتظامات کیے گئے جس کے دوران 15 سے 20 منٹ تک ٹریفک معطل رہی اور شہریوں کو شدید مشکلات کا سامنا کرنا پڑا۔
ٹریفک کی بندش پر مشتعل شہریوں نے پولیس کی جانب سے قائم حفاظتی حصار اور رکاوٹیں توڑ دیں اور اپنی گاڑیاں لے کر پروٹوکول کے سامنے آ گئے جس سے سکیورٹی انتظامات درہم برہم ہوگئے۔
واقعے کے دوران پروٹوکول پر موجود سکیورٹی اہلکاروں نے شہریوں کی گاڑیوں کو روکنے کی کوشش کی تاہم صورتحال کشیدہ رہی۔
اس واقعے کی ویڈیو سوشل میڈیا پر وائرل ہوگئی جس میں شہریوں کو رکاوٹیں عبور کرتے دیکھا جا سکتا ہے۔
Leave a Reply