[ad_1]
وزیراعلیٰ سندھ مراد علی شاہ اور وزیراعلیٰ خیبر پختونخوا سہیل آفریدی کے درمیان ملاقات منسوخ ہوگئی۔
ذرائع کے مطابق مصروفیات کی وجہ سے دونوں وزرائے اعلیٰ کے درمیان ملاقات ملتوی ہوئی۔ وزرائے اعلیٰ کے درمیان یہ ملاقات ہفتے کو ہونا تھی۔
ادھر صوبائی وزیر ناصر حسین شاہ اور پی ٹی آئی کے حلیم عادل شیخ نے بتایا کہ وزیراعلیٰ سندھ اور وزیراعلیٰ خیبر پختونخوا کے درمیان ملاقات پیر کو ہوگی۔
ناصر حسین شاہ کا کہناتھا کہ وزرائے اعلیٰ کے درمیان ہفتے کو ملاقات طے ہی نہیں تھی، اسلیے منسوخ ہونےکا سوال ہی نہیں۔
پی ٹی آئی جلسے سے متعلق بات کرتے ہوئے ناصر شاہ بولے کہ پی ٹی آئی کو جلسے کی اجازت دینے میں 2 یا 3 گھنٹے کی تاخیر ہوئی،کرسیاں اور کنٹینر چاہیں تو ہم پہنچا دیتے ہیں، پی ٹی آئی چاہے تو جلسے ایک دن آگے کرلے۔
ادھر پی ٹی آئی کے حلیم عادل شیخ نے کہا کہ ہم نے اسٹریٹ موومنٹ کا کہا تھا جلسے کا تو سندھ حکومت نے کہا۔ ہمیں دن میں باغ جناح میں جلسے کی اجازت نہیں دی گئی۔
حلیم عادل شیخ نے دعویٰ کیا کہ پولیس نے وینڈر کوبھگادیا، کنٹینرکو آنے نہیں دیا جارہا، ہمارا جلسہ مزار قائد پر ہی ہوگا۔
[ad_2]
Source link
Leave a Reply