کراچی گل پلازہ کے المناک واقعے میں جاں بحق افراد کی تعداد 26 ہوگئی جبکہ 83 افراد لاپتہ ہیں۔
گل پلازہ میں ریسکیو اہلکار جلی ہوئی عمارت کے بیشتر حصوں میں داخل ہوگئے جہاں سرچ اینڈ ریسکیو آپریشن کیا جارہا ہے، ملبہ ہٹانے کا کام بھی جاری ہے۔ آگ کے باعث گل پلازہ کے ساتھ والی عمارت کے پلرز بھی ٹیڑھے ہوگئے۔
ڈپٹی کمشنر ساوتھ آفس میں لاپتہ افراد کی فہرست آویزاں کردی گئی، 12 افراد کے اضافے کے بعد لاپتہ افراد کی مجموعی تعداد 83 ہوگئی جبکہ 29 افراد کی موبائل لوکیشن گل پلازہ کے اطراف کی آرہی ہے۔
گل پلازہ کی ہولناک آتشزدگی میں جاں بحق 18 افراد کی شناخت ہوگئی جبکہ لاپتہ افراد کے لواحقین کو سول اسپتال میں اپنا ڈیٹا اورڈی این اے نمونے جمع کرانے کی ہدایت کی گئی ہے۔
پولیس سرجن ڈاکٹر سمعیہ طارق کے مطابق سول اسپتال میں اب تک 20 لاشوں کےڈی این اےسیمپل لیےگئے ہیں، 48 فیملیز نے اپنے ڈی این اے سیمپل بھی جمع کرادیے ہیں۔ ڈی آئی جی اسد رضا نے بتایا کہ ڈی این اے ٹیسٹ کےلیے سندھ فرانزک ڈی این اےلیبارٹری جامعہ کراچی بھیجےجارہےہیں،اگلے تین دنوں تک کراس میچنگ جاری رہے گی۔
ادھر سندھ فرانزک لیب کو 6 لاشوں کے نمونےموصول ہو گئے ،ناقابل شناخت 6 لاشیں ایدھی سردخانے سہراب گوٹھ منتقل کر دی گئیں۔
دوسری جانب گل پلازہ میں آگ لگنے سےمتعلق تحقیقاتی کمیٹی کا اجلاس آج طلب کیا گیا جس میں واقعے سے متعلق جمع کئے گئے ڈیٹا کا تفصیلی جائزہ لیا جائےگا۔
Leave a Reply