کراچی: چیف فائر آفیسر کے ایم سی ہمایوں احمدکا کہنا ہےکہ سانحہ گل پلازہ میں ہمارا ایک فائر فائٹر شہید ہوگیا پھر بھی ہم پر تنقیدکی جا رہی ہے، ہمارا سیاست سےکوئی تعلق نہیں، شہر میں فائر اسٹیشن کی بہت کمی ہے۔
میڈیا سے گفتگو میں چیف فائرآفیسر کا کہنا تھا کہ اس شہر میں سیکڑوں فائر ٹینڈرز درکار ہیں، ہم 21 فائر اسٹیشنز کےفنڈ کے ساتھ 28 فائر اسٹیشنز چلا رہے ہیں، ہم چندگاڑیوں اور 28 فائر اسٹیشنزکے ساتھ شہر میں کام کر رہے ہیں، اپنی استعداد سے زیادہ کام کر رہے ہیں۔
چیف فائرآفیسر کا کہنا تھا کہ گل پلازہ کے ریسکیو آپریشن کو مکمل ہونےمیں 15 روز بھی لگ سکتےہیں، بہت بڑا رقبہ ہے، ملبے کو ہٹانے کے دوران آگ بھڑکتی ہے۔
ان کا کہنا تھا کہ گزشتہ روزکافی کیش ریسکیو آپریشن کے دوران ریکور کرکے متعلقہ اداروں کے حوالےکیا، تین دن سے ہم یہاں مسلسل کام کر رہے ہیں، ہم نے پہلی اور دوسری منزل کی سرچنگ کی، دوسری منزل پر ہیٹ کافی زیادہ ہے،گزشتہ روز چھت پربنی پارکنگ سے 32 گاڑیاں اتاری ہیں، پہلے روز آگ کی شدت کافی تھی قریب سے آپریشن نہیں کرسکتے تھے۔
Leave a Reply