پاکستان اسٹاک ایکسچینج میں ایک اور شاندار دن، 100 انڈیکس ایک لاکھ 81 ہزار سے اوپر چلا گیا

ایک موقع پر پی ایس ایکس 100 انڈیکس 1999پوائنٹس اضافے سے ایک لاکھ 81 ہزار 92 پر ٹریڈ کرتا دیکھا گیا۔ فوٹو فائل

کراچی: پاکستان اسٹاک ایکسچینج میں زبردست تیزی کا سلسلہ جاری ہے اور 100 انڈیکس ایک لاکھ 81 ہزار کی حد عبور کر گیا ہے۔

کاروباری ہفتے کے پہلے روز پاکستان اسٹاک ایکسچینج میں کاروبار میں مثبت رجحان دیکھنے میں آیا اور ایک موقع پر انڈیکس ایک لاکھ 81 ہزار کی حد عبور کر گیا جو کہ اب تک کی ریکارڈ بلندی ہے۔

اس وقت پی ایس ایکس 100 انڈیکس 1999 پوائنٹس اضافے سے ایک لاکھ 81 ہزار 92 پر ٹریڈ کر رہا ہے۔

یاد رہے کہ گزشتہ کاروباری ہفتے کے آخری روز بھی انڈیکس میں 2600 پوائنٹس سے زائد کا اضافہ دیکھا گیا تھا اور 100 انڈیکس ایک لاکھ 79 ہزار 34 پر بند ہوا تھا۔

Source link