حال ہی میں ایکشن سے بھرپور فلم سائیکو کا ٹریلر جاری کیا گیا ہے ۔کراچی میں منعقد ہونے والی ٹریلر لانچ کی تقریب میں اداکارہ سونیا حسین سے جیو ڈیجیٹل نے خصوصی گفتگو کی اور سیٹ کے سب سے یادگار واقعے کے بارے میں پوچھا۔
ادکارہ نے بتایا کہ سیٹ پر بہت سے سین مشکل تھے لیکن ایک سین سب سے زیادہ یادگار تھا۔
انہوں نے بتایا کہ ‘مجھے شان شاہد نے کہا کہ سونیا آپ نے بھاگتے ہوئے جا کے دروازہ کھولنا ہے، لیکن اس سے پہلے میں دروازے تک پہنچتی میرا جی نے دروازہ کھول دیا’۔
اداکارہ نے مسکراتے ہوئے کہا کہ ‘دروازہ میرے سر پر کافی زور سے لگا اور میں نیچے گرگئی جبکہ اور بھی ایسے سینز تھے جس میں انہیں اور میرا کو چوٹیں لگیں’۔
سونیا حسین نے بتایا کہ ‘سینز کے دوران میرا جی کو بہت چوٹیں لگیں اور نیل بھی پڑے، وہ مکمل طور پر کردار میں چلی جاتی ہیں، لیکن ساتھ کام کرنے کا جو تجربہ تھا وہ کافی مزے دار تھا اور مجھے بہت اچھا لگا’۔
خیال رہے کہ جیو فلمز کے بینر تلے ریلیز ہونے والی فلم سائیکو اس عید الاضحیٰ پر ملک بھر کے سنیما گھروں میں ریلیز کی جائے گی۔
فلم کی کاسٹ میں سپراسٹار شان شاہد، سونیا حسین ، میرا، شبیر جان اور دیگر شامل ہیں۔
Leave a Reply