پاکستان میں سوشل میڈیا پر گردش کرنے والی وائرل پوسٹس میں یہ دعویٰ کیا جا رہا ہے کہ برٹش براڈکاسٹنگ کارپوریشن (BBC) نے یہ رپورٹ دی ہے کہ کووڈ-19 کی ویکسین لگوانے والے افراد جون 2026 تک ہلاک ہو جائیں گے۔
اس خطرناک گمراہ کن معلومات کی حقیقت میں کوئی بنیاد نہیں ہے اور یہ مکمل طور پر من گھڑت ہے۔
دعویٰ
تھریڈز (Threads) پر ایک صارف نے لکھا: ”جن لوگوں نے کووڈ-19 کی ویکسین لگوائی ہے وہ جون 2026 تک زندہ نہیں رہیں گے۔“ بی بی سی نے اس کی تصدیق کر دی ہے۔
اسی طرح کے دعوے فیس بک اور ایکس (ٹوئٹر) پر بھی شیئر کیے گئے، جنہیں یہاں اور یہاں دیکھا جا سکتا ہے۔
حقیقت
بی بی سی کی جانب سے ایسی کوئی رپورٹ یا مضمون شائع نہیں کیا گیا ہے۔
بی بی سی کے میڈیا ریلیشنز مینیجر نے جیو فیکٹ چیک کو ای میل کے ذریعے اس بات کی تصدیق کی ہے کہ آن لائن گردش کرنے والی یہ پوسٹس جھوٹی ہیں۔
جیو فیکٹ چیک نے بھی بی بی سی کی حالیہ رپورٹس کا جائزہ لیا ہے اور معلوم ہوا کہ ایسی کوئی خبر نہ تو شائع ہوئی ہے اور نہ ہی نشر کی گئی ہے۔
فیصلہ: یہ دعویٰ کہ بی بی سی نے رپورٹ کیا ہے کہ کووڈ-19 ویکسینز جون 2026 تک اموات کا سبب بنیں گی، مکمل طور پر جھوٹا ہے، ایسی کوئی رپورٹ موجود نہیں ہے اور آن لائن گردش کرنے والی یہ پوسٹس گمراہ کن اور بے بنیاد ہیں۔
ہمیں X (ٹوئٹر) GeoFactCheck@ اور انسٹا گرام geo_factcheck@ پر فالو کریں۔
اگر آپ کو کسی بھی قسم کی غلطی کا پتہ چلے تو [email protected] پر ہم سے رابطہ کریں۔
Leave a Reply