(29 ستمبر 2026): محکمہ انکم ٹیکس نے اداکارہ رکول پریت سنگھ سمیت بالی وڈ انڈسٹری سے جڑے افراد اور کمپنیوں سے منسلک 12 مختلف مقامات پر چھاپے مارے۔
انڈین میڈیا رپورٹس کے مطابق محکمہ انکم ٹیکس نے چھاپے رکول پریت سنگھ، ان کے سسر و پروڈیوسر واشو بھگنانی سے منسلک مقامات اور پینوراما اسٹوڈیوز پر مارے گئے۔ ان شخصیات پر الزام ہے کہ انہوں نے فلمی پروجیکٹس کی آڑ پر منی لانڈرنگ کی اور پیسہ ملک سے بھیج دیا۔
یہ بھی پڑھیں: رکول پریت سنگھ کا جیکی بھگنانی سے شادی کی خبروں پر ردعمل
محکمہ انکم ٹیکس سے منسلک ذرائع کے مطابق محکمے کو کافی عرصے سے شک تھا کہ فلم کی شوٹنگ، پروجیکٹس اور بیرون ملک فلموں کے نام پر بڑی رقم باہر بھیجی جا رہی ہے، حکام تمام کاغذات اور بینک اکاؤنٹس کی باریک بینی سے جانچ کر رہے ہیں، کیونکہ ان کا ماننا ہے کہ یہ بڑے پیمانے پر ٹیکس چوری کا معاملہ ہے۔
رکول پریت سنگھ، اداکار و پروڈیوسر جیکی بھگنانی کی اہلیہ ہیں۔ اداکارہ کئی تیلگو، ہندی اور تامل فلموں میں کام کر چکی ہیں اور انہیں کئی ایوارڈز مل چکے ہیں۔
