اسلام آباد : آئل اینڈ گیس ریگولیٹری اتھارٹی (اوگرا) نے ایل پی جی کی قیمت میں بڑا اضافہ کردیا ہے, فی کلو 20 روپے 69 پیسے کا اضافہ کیا گیا ہے۔
اوگرا کی جانب سے نوٹیفکیشن جاری کردیا گیا جس کے مطابق ایل پی جی کی فیکٹری قیمت میں فی کلو 20 روپے 69 پیسے اضافے کے بعد قیمت 258.65 روپےسے بڑھ کر 279.34 روپے ہوگئی۔
نوٹیفکیشن کے مطابق گھریلو سلنڈر کی قیمت میں 244.14 روپے کا بڑا اضافہ کیا گیا ہے، گھریلو سلنڈر کی قیمت 3052.09سے بڑھ کر 3296.23 روپے ہوگئی۔ قیمتوں کا تعین اکتوبر کیلئے کیا گیا ہے۔
