چین اور پاکستان کا مشرق وسطیٰ میں شہریوں اور غیر عسکری اہداف پرحملے فوری بندکرنے کا مطالبہ کردیا۔
دفتر خارجہ کے مطبابق بیجنگ میں چینی وزیر خارجہ اور نائب وزیراعظم اسحاق ڈار کے درمیان خطے کی صورتحال پر اہم مشاورت ہوئی۔
چین اور پاکستان نے فوری جنگ بندی ، جنگ کا پھیلاؤ روکنے اور جنگ زدہ علاقوں تک انسانی امداد کی رسائی کا مطالبہ کیا۔
چین اور پاکستان نے فریقین پر جلد از جلد امن مذاکرات شروع کرنے، ایران اور خلیجی ریاستوں کی خودمختاری، علاقائی سالمیت کے تحفظ پر زور دیا۔
چین اورپاکستان کے مطابق تنازعات کے حل کیلئےمذاکرات اور سفارتکاری ہی واحد قابلِ عمل راستہ ہیں، امن مذاکرات کے دوران طاقت کے استعمال یا دھمکی سے گریز کیا جائے۔
دونوں ممالک نے شہریوں اور غیر عسکری اہداف پر حملے فوری بند کرنے کا مطالبہ کیا اور توانائی، ڈی سیلینیشن، بجلی تنصیبات اور پرامن جوہری انفرا اسٹرکچر کے تحفظ پر زور دیا۔
چین اور پاکستان نے آبنائے ہرمز میں پھنسے جہازوں اور عملے کے تحفظ اور محفوظ گزرگاہ کی بحالی کا مطالبہ کیا اورکہا کہ آبنائے ہرمز اور ملحقہ سمندری راستے عالمی تجارت اور توانائی رسد کیلئے نہایت اہم ہیں، شہری اور تجارتی جہازوں کی جلد اور محفوظ آمدورفت یقینی بنائی جائے۔
چین اور پاکستان نے اقوام متحدہ کے منشور اور بین الاقوامی قانون کی بالادستی پر زور دیا۔
چین اورپاکستان نے دیرپا امن کیلئے جامع امن فریم ورک کی تشکیل اور کثیرالجہتی نظام کی حمایت کا اعلان کیا اور اقوام متحدہ کے مرکزی کردار کو مزید مضبوط بنانے کی ضرورت پر زور دیا۔
Leave a Reply