واشنگٹن: امریکی صدر ڈونلڈ ٹرمپ نے غزہ پیس بورڈ کے پہلے اجلاس کے موقع پر غیر معمولی گرمجوشی کا مظاہرہ کرتے ہوئے وزیر اعظم پاکستان شہباز شریف سے مصافحہ کیا اور انہیں گلے لگا لیا۔
واشنگٹن میں ہوئے غزہ بورڈ آف پیس کے پہلے اجلاس میں اُس وقت غیر معمولی منظر دیکھنے میں آیا جب امریکی صدر ڈونلڈ نے پاکستان کے وزیر اعظم شہباز شریف سے غیررسمی ملاقات کے دوران غیر متوقع گرمجوشی کا مظاہرہ کرتے ہوئے انہیں گلے لگا لیا۔
صدر ڈونلڈ ٹرمپ کی وزیراعظم محمد شہباز شریف سے بورڈ آف پیس کے اجلاس کے اختتام پر غیر رسمی گفتگو بھی ہوئی۔
اس موقع پر صدر ڈونلڈ ٹرمپ کی جانب سے غیر معمولی گرمجوشی دیکھنے میں آئی۔
اس لمحے نے اجلاس میں موجود عالمی رہنماؤں اور سفارتی حلقوں کی توجہ اپنی جانب مبذول کرا لی۔
اس سے قبل غزہ بورڈ آف پیس کے پہلے اجلاس سے خطاب میں صدر ٹرمپ نے ایک بار پھر پاکستان کی تعریف کی اور وزیراعظم شہباز شریف اور فیلڈ مارشل عاصم منیر کو خراج تحسین پیش کیا۔
صدر ٹرمپ نے کہا کہ وہ وزیراعظم شہباز شریف کو پسند کرتے ہیں،پاکستان کے فیلڈ مارشل، عظیم جنرل، عظیم فیلڈ مارشل اور عظیم شخصیت ہیں،فیلڈ مارشل ٹف اور اچھے فائٹر ہیں،انہیں ٹف فائٹرز پسند ہیں۔
صدر ٹرمپ نے پاک بھارت جنگ کا ذکر کرتے ہوئے کہا کہ پاک بھارت جنگ میں 11 طیارے مار گرائے گئے۔دونوں ملکوں کی جنگ شدت اختیار کررہی تھی، ہم نے اپنا کردار ادا کرتے ہوئے پاک بھارت جنگ رکوائی۔
انہوں نے کہا کہ جنگ کے دوران دونوں ملکوں کو بتادیا تھا کہ لڑائی نہ روکی تو دو سو فیصد ٹیرف لگائیں گے،تجارتی معاہدے نہیں کریں گے،تب دونوں ملکوں نے لڑائی بند کی۔
صدر ٹرمپ نے کہا کہ جنگ کے دوران وزیراعظم شہباز شریف سے قریبی تعلقات قائم ہوئے جنہوں نے کہاکہ امریکی صدر نے جنگ روک کر25 ملین زندگیاں بچائیں،حقیقت میں یہ اس سے بھی زیادہ ہوسکتا تھا۔
Leave a Reply