ممبئی: آئی سی سی مینز ٹی ٹوئنٹی ورلڈکپ میں نیپال نے اسکاٹ لینڈ کو 7 وکٹوں سے شکست دے کر رواں ایونٹ میں پہلی تاریخی فتح حاصل کرلی۔
ممبئی میں کھیلے گئے گروپ سی کے میچ میں نیپال نے ٹاس جیت کر اسکاٹ لینڈ کو پہلے بیٹنگ کی دعوت دی۔
اسکاٹ نے مقررہ 20 اوورز میں 7 وکٹوں پر 170 رنز اسکور کیے۔مائیکل جونس 71 رنز کے ساتھ نمایاں رہے۔
نیپال نے 171رنز کا ہدف اننگز کےآخری اوور میں 3 وکٹوں کے نقصان پر حاصل کرلیا۔دپندرا سنگھ 50 اور کوشل بھرتل 43 رنز کے ساتھ نمایاں بیٹر رہے۔
اس کےعلاوہ آصف شیخ نے 33 اور گلشن جھا نے 24 رنز کی ناقابل شکست اننگز کھیلی۔
یوں نیپال نے اسکاٹ لینڈ کو 7 وکٹوں سے شکست دے کر ٹی ٹوئنٹی ورلڈکپ 2026 میں اپنی پہلی کامیابی حاصل کرلی۔
یہ نیپال کی 2014 کے بعد ٹی ٹوئنٹی ورلڈکپ میں پہلی جیت ہے۔
واضح رہے کہ گروپ سی سے انگلینڈ اور ویسٹ انڈیز سپر 8 مرحلے میں پہنچ چکےہیں۔ اسکاٹ لینڈ اور نیپال کا ایونٹ میں سفر اختتام پذیر ہوگیا۔
Leave a Reply