بانی پاکستان تحریک انصاف (پی ٹی آئی) عمران خان کی ہمشیرہ علیمہ خان نے کہاکہ انہیں کسی سرکاری یا کسی ادارے کے ڈاکٹر پر اعتبار نہیں۔
علیمہ خان نے میڈیا سے گفتگو کرتے ہوئے کہا کہ ہم نے جن ڈاکٹرز کے نام دیے اُن سے علاج نہیں کرایا جارہا، ہم نےکہا فیملی ڈاکٹر کے سامنے علاج کرایا جائے مگر یہ انکار کر رہے ہیں، کئی دنوں سے سن رہے تھے اسپتال منتقل کیا جائے گا۔
علیمہ خان نے کہا کہ پہلے کہا تھا کہ یہ رپورٹ آئے گی اور جو رپورٹ آئی ہے وہ مذاق ہے، اس میں ٹریٹمنٹ کا پلان ہی نہیں لکھا گیا۔
علیمہ خان نے سوال کیا اگر یہ سمجھتے ہیں بانی پی ٹی آئی کا علاج ٹھیک ہوا ہے تو یہ چھپا کیوں رہے ہیں؟
علیمہ خان نے مطالبہ کیا کہ لوگ باہرنکلیں اوران پرعلاج کے لیے پریشر بڑھائیں، مجھےکوئی فرق نہیں پڑتا کون میرے بارے کیا کہہ رہا ہے۔
Leave a Reply