گورنرپنجاب سردار سلیم خان نے کہا ہے کہ فیلڈ مارشل عاصم منیر اللہ کا انعام ہیں، وہ انتہائی ایماندار انسان ہیں۔
لندن میں تقریب سے خطاب میں گورنرپنجاب سردارسلیم خان کا کہنا تھا کہ فیلڈ مارشل عاصم منیر کی خواہش ہے کہ اپنے ملک کیلئے کچھ کرسکیں، مسلح افواج کے تینوں سربراہ بھی مبارکباد کے مستحق ہیں۔
گورنرپنجاب کا کہنا تھا کہ جنگ جیتنےکےبعد پہلی بار ایسا ہوا کہ ساری دنیا ہماری بات سن رہی ہے، ہمارے صدر اور وزیراعظم کو امریکی حکمرانوں کے ساتھ ناشتہ کرنےکیلئے پیسے دینے پڑتے تھے، پہلی بار ہوا کہ امریکی صدر خود پاکستانی قیادت کو مدعو کررہے ہیں، پاکستان جنگ کی خواہش نہیں رکھتا، بھارت ہمیشہ جنگ مسلط کرتاہے۔
گورنرپنجاب کا کہنا تھا کہ آصف زرداری نے حکومت سازی کے لیے پی ٹی آئی کو پیشکش کی تھی، پیپلزپارٹی کو پی ٹی آئی کےانکارکےبعد ن لیگ سے اتحادکرنا پڑا۔
ان کا کہنا تھا کہ وزیراعلیٰ کےپی کو پنجاب اور سندھ میں عزت ملی، انہوں نےاس کا پاس نہیں کیا۔
Leave a Reply