اگر پہیلیوں کی بات کی جائے تو بہترین پہیلی وہ ہوتی ہے جو آپ کو سوچنے پر مجبور کر دے۔
ان کو حل کرنے کے لیے سادہ منطق کی بجائے ذرا ہٹ کر سوچنے کی ضرورت ہوتی ہے۔
یہی وجہ ہے کہ ریاضی کی پہیلیاں ریاضی کے مسائل جیسی نہیں ہوتیں اور اسی وجہ سے انہیں حل کرنا بیشتر افراد کو پسند ہوتا ہے۔
تو اسی طرح کی یہ پہیلی بھی ہے جس میں آپ کو بتانا ہے کہ اوپر تصویر میں موجود آخری گھڑی میں کیا وقت ہونا چاہیے۔
تو آپ کا جواب کیا ہے؟ ویسے یہ جان لیں کہ اس کا کوئی سادہ جواب نہیں۔
مگر یہ بھی حقیقت ہے کہ جواب آپ کی آنکھوں کے سامنے ہی ہے بس سوچ کا دائرہ بڑھانے کی ضرورت ہے۔
جیسا آپ تصویر میں دیکھ سکتے ہیں کہ بائیں جانب موجود پہلی گھڑی میں 2:31 بجے ہیں، دوسری گھڑی میں 3:13، تیسری میں 3:55 اور چوتھی میں 4:37 بجے ہیں، جبکہ آخری گھڑی میں سوالیہ نشان موجود ہے اور آپ کو بتانا ہے کہ وہاں کیا وقت ہوگا۔
یعنی ہر گھڑی کا وقت مختلف ہے مگر سب میں ایک تعلق موجود ہے جس کو سمجھنے کی ضرورت ہے۔
تو جواب دینے کے لیے تصویر کو غور سے دیکھیں اور سوچ کر جواب دیں۔
کیا آپ نے اس کا جواب تلاش کرلیا؟
اگر نہیں تو چلیں ہم ہی بتا دیتے ہیں اور اگر آپ غور کریں تو معلوم ہوگا کہ ہر گھڑی کا وقت اس سے بائیں جانب موجود گھڑی کے وقت سے 42 منٹ زیادہ ہے۔
مثال کے طور پہلی گھڑی میں 2:31 بجے ہیں اس میں 42 منٹ کے اضافے سے 3:13، تیسری میں 42 منٹ کے اضافے سے 3:55 جبکہ اسی طرح چوتھی گھڑی میں 4:37 بجے ہیں۔
تو اس فرق کو مدنظر رکھا جائے تو آخری گھڑی میں 42 منٹ کا اضافہ کرنے پر سوالیہ نشان کی جگہ 5:19 لکھا نظر آئے گا۔
Leave a Reply