کامسیٹس یونیورسٹی اسلام آباد کے ریکٹر، پروفیسر ڈاکٹر راحیل قمر کی قیادت میں یونیورسٹی نے ڈیجیٹل گورننس کے میدان میں ایک اور اہم سنگِ میل عبور کر لیا ہے۔
یونیورسٹی نے اپنے گریجویٹس کو جاری کیے جانے والے تمام ٹرانسکرپٹس اور ڈگریوں کو QR کوڈ سے منسلک کرنے کا فیصلہ کیا ہے جس کے ذریعے دنیا میں کہیں سے بھی ان کی فوری تصدیق ممکن ہوگی۔
یہ اقدام ریکٹر پروفیسر ڈاکٹر راحیل کے ڈیجیٹل گورننس وژن کا حصہ ہے، جس کا مقصد یونیورسٹی کے تعلیمی اور انتظامی نظام کو جدید ٹیکنالوجی کے مطابق بنانا اور عالمی معیار کی شفافیت کو فروغ دینا ہے۔
نئے نظام کے تحت ڈگری یا ٹرانسکرپٹ پر موجود QR کوڈ کو اسکین کر کے آجر، جامعات اور دیگر ادارے چند سیکنڈ میں اس دستاویز کی تصدیق کر سکیں گے۔ اس اقدام سے نہ صرف اسناد کی جانچ پڑتال کے عمل میں تیزی آئے گی بلکہ جعلی دستاویزات کے امکانات بھی کم ہوں گے۔
یہ اقدام سے یونیورسٹی کے گریجویٹس کے لیے عالمی سطح پر ملازمت اور اعلیٰ تعلیم کے مواقع حاصل کرنے میں آسانی پیدا کرے گا اور ان کی تعلیمی اسناد کی بین الاقوامی ساکھ کو مزید مضبوط بنائے گا۔
کامسیٹس یونیورسٹی ایبٹ آباد کے میڈیا کوآرڈینیٹر سردار نصیر نے کہا کہ یونیورسٹی بہت جلد پاکستان کی ڈیجیٹل یونیورسٹی بننے جا رہی ہے، اب تمام دفتری کارروائیاں ڈیجیٹل گورننس کے ذریعے کی جا رہی ہیں۔
Electric Filing System کے ذریعے تمام شعبہ جات کام کر رہے ہیں، جس سے ناصرف کاغذ کی بچت ہوگی بلکہ ماحول پر بھی اچھا اثر پڑے گا اور مالی وسائل کی بچت بھی ہوگی۔
ریکٹر پروفیسر ڈاکٹر راحیل کی قیادت میں یونیورسٹی میں ڈیجیٹل اصلاحات، شفافیت اور طلبہ دوست اقدامات کو فروغ مل رہا ہے، اور QR کوڈ پر مبنی تصدیقی نظام اسی سلسلے کی ایک اہم پیش رفت قرار دیا جا رہا ہے۔
Leave a Reply