سائنسدانوں نے پہلی بار جان لیا ہے کہ کہ چوہے دنیا کو کیسے دیکھتے ہیں۔
جی ہاں واقعی لندن کالج یونیورسٹی کے ماہرین نے چوہوں کی دماغی سرگرمیوں کی ویڈیو تیار کی جس سے معلوم ہوتا ہے کہ یہ جانور دنیا کو کیسے دیکھتے ہیں۔
یہ مختصر ویڈیو کافی دھندلی ہیں مگر اس سے معلوم ہوتا ہے کہ کیسے چوہے لوگوں کی سرگرمیوں کو دماغی طور پر پراسیس کرتے ہیں۔
یہ تحقیقی کام ابھی ابتدائی ہے مگر ٹیکنالوجی میں پیشرفت سے سائنسدانوں کو توقع ہے کہ وہ جانوروں کے انسانوں کے بارے میں تصورات اور دماغی سرگرمیوں کے بارے میں کافی کچھ جان سکیں گے۔
اس تحقیق میں چوہوں کو انسانوں کو مختلف کھیلوں کی ویڈیوز دکھائی گئی تھیں اور پھر دماغی سرگرمیوں کی مختصر ویڈیو تیار کی گئی۔
محققین نے بتایا کہ انسانوں سے تو آپ کچھ بھی پوچھ سکتے مگر جانوروں سے ہم ایسا نہیں کرسکتے۔
اس مقصد کے لیے آرٹی فیشل انٹیلی جنس (اے آئی) ٹیکنالوجی پر مبنی پروگرام کو استعمال کیا گیا جو چوہوں کے دماغی تبدیلیوں کی برقی سرگرمیوں کی پیشگوئی کرسکتا ہے۔
تحقیق کے دوران چوہوں کی دماغی سرگرمیوں کو ویڈیو میں تبدیل کر دیا گیا۔
محققین نے انفرا ریڈ لیزر کے ذریعے دماغی نیورونز کا ڈیٹا اکٹھا کیا اور پھر اسے اے آئی پروگرام کا حصہ بنا کر ویڈیو کی شکل دی گئی۔
انسانوں کے مقابلے میں چوہوں کی بینائی کافی کمزور ہوتی ہے تو تیار کی گئی ویڈیو دھندلی ہے مگر سائنسدانوں نے اسے کافی حد تک بہتر بنایا ہے۔
اس تحقیق کے نتائج جرنل ای لائف میں شائع ہوئے۔
Leave a Reply