پنجاب میں لاؤڈ اسپیکر ایکٹ کا نفاذ لازمی اور مزید سخت کرنے اور ہرضلع میں وِسل بلور سیل قائم کرنے کا فیصلہ کیا گیا۔
وزیراعلیٰ پنجاب مریم نواز کی زیرِ صدارت امن و امان سے متعلق اجلاس ہوا جس میں اہم فیصلے کیے گئے۔
اجلاس میں لاؤڈ اسپیکر ایکٹ کا نفاذ لازمی اور مزید سخت کرنے اور ہرضلع میں وِسل بلور سیل قائم کرنے کا فیصلہ کیا گیا۔
انتہاپسند جماعت، غیرقانونی مقیم غیرملکیوں کیخلاف پنجاب پولیس ہیلپ لائن15میں خصوصی سیل قائم کردیا گیا اور ہدایت کی گئی ہے کہ عوام انتہا پسند جماعت اور غیرقانونی تارکین وطن کی اطلاع کیلئے 15 پرکال کریں۔
اجلاس میں صوبےکو غیرقانونی اسلحہ سے پاک کرنےکیلئے اقدامات کی رفتار تیز کرنے کا فیصلہ کیا گیا اور کہا کہ پنجاب میں ڈالاکلچر، بدمعاشی اور مافیا کلچرکوکسی صورت برداشت نہیں کیا جائےگا۔
صوبے میں امن کمیٹیز کو فوری طور پرمؤثر اورمزید فعال کرنےکا بھی فیصلہ کیا گیا۔اجلاس میں وضاحت کی گئی کہ کومبنگ آپریشنز ،کارروائیاں مخصوص انتہا پسند ذہنیت کے خلاف ہیں، کسی فرقے یا عقیدے کے خلاف نہیں۔
اجلاس میں انتہا پسند جتھوں کے اشتہارات، تصاویر اور پلےکارڈز پرسخت پابندی اورکارروائی کا فیصلہ کیا گیا۔
اجلاس میں ضلعی انتظامیہ کو روزانہ غیرقانونی طور پرمقیم غیرملکیوں کےخلاف کومبنگ آپریشن رپورٹس اپ ڈیٹ کرنےکی ہدایت کی گئی اور کہا گیاکہ ضلعی رپورٹس میں روزانہ کی بنیاد پراپ ڈیٹ کرنا ہوگا کہ کتنے غیرقانونی رہائشی کہاں کاروبار سےمنسلک ہیں، ضلعی انتظامیہ روزانہ رپورٹ کرےگی کتنےغیرقانونی بین الاقوامی رہائشی مرکزمیں ڈی پورٹیشن کیلئے بھیجےگئے۔
اجلاس میں کہا گیا ہے کہ عوام غیرقانونی رہائشیوں کودکان یامکان کرائے پر نہ دیں ورنہ کرایہ داری یا پاسپورٹ ایکٹ کے تحت کارروائی ہوگی۔
اجلاس میں پنجاب میں سوشل میڈیا پر شرانگیزی و نفرت کے خلاف زیرو ٹالرنس پالیسی نافذ کرنےکا فیصلہ کیا گیا اور یہ بھی کہا گیا کہ سوشل میڈیا پر نفرت انگیز مواد پھیلانے والوں کے خلاف پیکا ایکٹ کے تحت مقدمات درج کیے جائیں گے۔
اجلاس میں غیرقانونی اجتماعات یا بازار بند کرانے والوں پر دہشتگردی قوانین لاگو کرنے کا بھی فیصلہ کیا گیا۔
Leave a Reply