[ad_1]
اسلام آباد: صدر مملکت آصف زرداری سےجہاد اظہور کی قیادت میں عالمی مالیاتی ادارے (آئی ایم ایف) کے وفد نے ملاقات کی جس میں پاکستان کی معاشی صورتحال پر تبادلہ خیال کیا گیا۔
صدر زرداری اور آئی ایم ایف وفد کے درمیان ہونے والی ملاقات میں وزیر خزانہ محمد اورنگزیب اور سینیٹر سلیم مانڈوی والا سمیت دیگر اعلیٰ حکام شریک تھے جب کہ ملاقات میں پاکستان کی معاشی صورتحال اور جاری آئی ایم ایف پروگرام پر تبادلہ خیال کیا گیا۔
اس موقع پر صدر مملکت نے پاکستان کےساتھ تعاون کرنے پر عالمی مالیاتی ادارے کا شکریہ ادا کیا اور معیشت کی بہتری کے لیے وزارت خزانہ اور اس کی ٹیم کے اقدامات کو سراہا۔
صدر آصف زرداری نے کہا کہ آئی ایم ایف پروگرام پاکستان میں معاشی استحکام لانے میں مددگار ثابت ہوا، اس پروگرام سے ملک میں معاشی ترقی کو فروغ حاصل ہوگا۔
صدر مملکت نے پاکستان کی معاشی ترقی میں آئی ایم ایف کے کردار کو سراہتے ہوئے کہا کہ آئی ایم ایف ترقی پزید ممالک کی اقتصادی ترقی میں کردار ادا کر رہا ہے۔
اس دوران آئی ایم ایف وفد نے پاکستان میں معاشی اصلاحات اور عالمی مالیاتی ادارے کے پروگرام پر اظہارِ اطمینان کرتے ہوئے کہا کہ پاکستان کے لیے آئی ایم ایف کا پروگرام درست سمت میں گامزن ہے۔
وفد نے کہا کہ آئی ایم ایف پروگرام سے پاکستان میں افراطِ زر، زرمبادلہ کے ذخائر اور مالیاتی خسارے میں استحکام لانے میں مدد ملی ہے۔
[ad_2]
Source link
Leave a Reply