حیدرآباد میں کاؤنٹر ٹیرارزم ڈپارٹمنٹ (سی ٹی ڈی) نے انٹیلیجنس بیسڈ کارروائی کے دوران فتنہ الہندوستان کے 2 روپوش مبینہ دہشت گردوں کو گرفتار کرلیا۔
سی ٹی ڈی حکام کا کہنا ہے کہ قاسم آباد کے علاقے سے گرفتار ہونے والے مبینہ دہشت گردوں کے قبضے سے ٹیرر فائنانسنگ فنڈ کی خطیر رقم برآمد ہوئی ہے۔
سی ٹی ڈی حکام نے بتایا کہ دہشت گردوں سے فتنہ الہندوستان سے وابستگی کے اہم کاغذی ثبوت و رسید بکس برآمد ہوئے ہیں۔
دہشت گرد اپریل 2025 میں لونی کوٹ جام شورو کے مقام پر سی ٹی ڈی حیدرآباد کی موبائل پر حملے میں بھی ملوث تھے۔
سی ٹی ڈی حکام نے مزید بتایا کہ دہشت گردوں سے حملے میں استعمال ہونے والا اسلحہ بھی برآمد کر لیا گیا ہے، مزید تحقیقات کی جارہی ہیں۔
Leave a Reply