غزہ: اسرائیلی فوج غزہ جنگ بندی کی خلاف ورزی کرتے ہوئے جنوبی غزہ کو متعدد فضائی حملوں کا نشانہ بنایا ہے۔
اسرائیلی فوج کے بیان کے مطابق حماس کی جانب سے اتوار کی صبح جنگ بندی کی خلاف ورزی کے جواب میں اس نے غزہ کے جنوبی علاقوں میں درجنوں اہداف پر بڑے پیمانے پر فضائی حملے کیے ہیں۔
امریکی صدر ٹرمپ کی ثالثی میں طے پانے والی جنگ بندی 10 اکتوبر کو نافذ ہوئی تھی، جس کے بعد اسرائیل اور حماس کے درمیان دو سال سے جاری تباہ کن جنگ رک گئی تھی۔
عینی شاہدین اور صحافیوں کے مطابق اسرائیلی فضائی حملے نے وسطی غزہ کے البریج مہاجر کیمپ میں ایک مکان کو مکمل طور پر تباہ کر دیا، تاہم ہلاکتوں یا زخمیوں کے بارے میں فوری طور پر کوئی تفصیلات سامنے نہیں آئیں۔
ایک اور فضائی حملے میں خان یونس کے شمال مغرب میں واقع اسدا علاقے میں بے گھر افراد کے خیمے کو نشانہ بنایا گیا جس میں کئی افراد زخمی ہوئے۔
میڈیا رپورٹس کے مطابق، اسرائیلی توپ خانے نے جنوبی غزہ کے خان یونس کے مشرقی علاقوں عبسان اور الزنہ پر بھی گولہ باری کی۔
غزہ سول ڈیفنس کے ترجمان محمود بصل نے بتایا کہ اسرائیلی فضائی حملوں کے نتیجے میں اب تک کم از کم 11 افراد شہید ہو چکے ہیں، جن میں سے 6 افراد شمالی غزہ میں شہریوں پر حملے میں شہید گئے۔
خیال رہےکہ اسرائیل کی جانب سے ہونے والے ان حملوں نے غزہ میں جنگ بندی کو خطرے میں ڈال دیا ہے۔
Leave a Reply