بھارتی پروازوں کیلئے پاکستانی فضائی حدود کی بندش میں مزید ایک ماہ کی توسیع کر دی گئی ہے۔
پاکستان ائیرپورٹس اتھارٹی نے فضائی حدود بندش میں توسیع کا نیا نوٹم جاری کردیا۔
پاکستان ائیرپورٹ اتھارٹی کی جانب سے بدھ کی دوپہر جاری 12ویں نوٹم کے مطابق بھارتی ائیرلائنز، انڈین آپریٹرز کے زیراستعمال طیاروں، انڈیا میں رجسٹرڈ یا بھارتی فوجی طیاروں پر پاکستانی حدود میں داخلے کی مزید 1 ماہ کی پابندی کردی گئی ہے۔
نوٹم کے مطابق بھارتی طیاروں کیلئے پاکستانی فضائی حدود 24 اپریل 2026 کی صبح 5 بجے تک بند رہے گی۔
پاک بھارت کشیدگی کے بعد پی اے اے نے بھارتی طیاروں کیلئے پاکستانی فضائی حدود 23 اپریل 2025 سے بند کر رکھی ہے۔
نئے نوٹم کے مطابق فضائی حدود کی بندش کیلئے 23 اپریل 2026 کو ایک سال پورا ہو جائے گا۔ اس بندش سے بھارت کی یومیہ 200 سے زائد کمرشل پروازیں متاثر ہو رہی ہیں۔
بندش سے طویل فاصلوں مختلف ممالک میں نئے اسٹاپ قائم کرنے اور مسافروں کی غیر ملکی ایئر لائن پر شفٹنگ سے بھارتی ایئرلائنز کو اربوں روپے کا نقصان ہوچکا ہے۔
Leave a Reply