[ad_1]
وسطی چین سے تعلق رکھنے والی ایک خاتون نے بچپن کی ایک تصویر کے ذریعے اپنے چھوٹے بھائی کو تلاش کرلیا جو 33 سال سے گمشدہ تھا۔
44 سالہ لی لین نامی خاتون کا تعلق صوبہ Hubei کے علاقے Xiantao سے ہے جو اپنے بھائی لی شین سے بچپن میں جدا ہوگئی تھیں۔
اس گمشدگی سے قبل لی لین کا خاندان بکھر کر رہ گیا تھا۔
لی لین کی والدہ کا انتقال کینسر سے ہوا جبکہ والد دماغی مسائل کا شکار ہوکر گھر چھوڑ کر چلے گئے اور پھر کبھی واپس نہیں آئے۔
اس وقت لی لین کی عمر 11 اور بھائی کی عمر 7 سال تھی اور وہ کباڑ خانے میں رہنے پر مجبور ہوگئے تھے۔
ایک دن جب بارش ہو رہی تھی اور وہ دونوں ایک ٹرک کے پچھلے حصے میں سو گئے جو انہیں ایک دوسرے شہر لے گیا۔
نئے شہر میں بھوکے گلیوں میں پھرتے ہوئے ایک معمر خاتون نے لی شین کو کھانے کی پیشکش کی۔
لی لین کا خیال تھا کہ خاتن مدد کرنا چاہتی ہے تو انہوں نے بھائی کو خاتون کے ساتھ جانے دیا اور پھر وہ کبھی واپس نہیں آیا۔
چینی میڈیا سے بات کرتے ہوئے لی لین نے بتایا کہ ‘میرے بھائی کو مجھ سے چھین لیا گیا اور میں پوری زندگی اس پچھتاوے کے ساتھ گزاری’۔
لی شین نے فرار ہوکر بہن تک پہنچنے کی کوشش کی، مگر اسے پکڑ کر مارا گیا اور ایک تاریک کمرے میں بند کر دیا گیا۔
وہ کچھ عرصے بعد بھاگنے میں کامیاب ہوگیا اور بھیک مانگ کر زندہ رہنے میں کامیاب ہوا اور ایک دن جنوبی چین کے صوبے گوانگ ڈونگ پہنچ گیا، جہاں ایک خاندان نے اسے گود لے لیا۔
لی شین نے بتایا کہ ‘اندر سے میں ہمیشہ جانتا تھا کہ میری ایک بڑی بہن ہے اور میں نے اس کی تلاش کبھی ختم نہیں کی’۔
لی لین نے اگلے 33 سال ایک سے دوسری جگہ بھائی کو تلاش کرتے اور مختلف ملازمتیں کرتے ہوئے گزارے۔
زیرتعمیر عمارات میں اینٹیں لگانے، ہوٹلوں میں برتن دھونے اور کارخانوں میں کام کرنے کے دوران کبھی بھی بھائی کی تلاش کی امید سے محروم نہیں ہوئیں۔
ان کے پاس بھائی کی ایک پرانی تصویر کے علاوہ تلاش کے لیے کچھ بھی نہیں تھا۔
ان برسوں کے دوران لی لین نے چین کے متعدد خطوں کا سفر کیا اور تلاش گمشدہ کے پوسٹرز تقسیم کیے اور بھائی کی تلاش پر لگ بھگ 10 لاکھ یوآن خرچ کیے۔
رواں سال اس وقت اہم پیشرفت ہوئی جب صوبہ جیانگشی کے ایک پولیس اہلکار نے چہرہ شناخت کرنے والی ٹیکنالوجی استعمال کرکے لی شین کو تلاش کرلیا جو گوانگ ڈونگ میں ہان کے نام کے ساتھ مقیم تھا۔
پولیس کی مدد اور ڈی این اے ٹیسٹنگ سے تصدیق ہوگئی کہ ہان ہی لی لین کا بھائی لی شین ہے۔
23 مارچ کو دونوں 33 سال بعد پہلی بار جیانگشی کے پولیس اسٹیشن میں ملے اور زار و قطار رونے لگے۔
اگلے دن لی شین بھائی کو اپنے آبائی قصبے میں واپس لے گئیں اور بھرپور انداز سے اس کا استقبال آتشبازی اور کیک کے ساتھ کیا۔
[ad_2]
Source link
Leave a Reply