کراچی: سندھ حکومت نے ڈرائیونگ لائسنس کے حصول کے لیے پری لائسنس ڈرائیونگ ٹریننگ کو لازمی قرار دیدیا۔
وزیراعلیٰ سندھ کی زیر صدارت پبلک پرائیویٹ پارٹنرشپ پالیسی بورڈ کا 50 واں اجلاس ہوا جس میں تعلیم، ٹرانسپورٹ اور سیاحت کے کئی منصوبوں کی منظوری دی گئی۔
اجلاس میں سندھ بھر میں ایچ ٹی وی اور ایل ٹی وی ڈرائیور ٹریننگ اسکول قائم کرنے کا فیصلہ کیا گیا ہے جب کہ پری لائسنس ڈرائیونگ ٹریننگ کو لازمی قرار دیا گیا ہے ، اجلاس میں فیصلہ کیا گیا کہ بغیر تربیت لائسنس جاری نہیں کیا جائے گا۔
اجلاس میں 5 سال میں ایک لاکھ ڈرائیورز کو تربیت اور لائسنس دینے کا ہدف دیا گیا۔
اس کے علاوہ ماحولیاتی سیاحت اور جنگلات کے تحفظ کے منصوبوں کی بھی منظوری دی گئی۔
وزیر اعلیٰ نے کہا کہ نوجوانوں کو عالمی معیار کی تربیت دے کر بیرون ملک روزگارکےمواقع فراہم کریں گے۔
مراد علی شاہ نے ماربل سٹی کراچی منصوبے پر کام تیز کرنے کی ہدایت کرتے ہوئے کہا کہ اس پر تاخیر برداشت نہیں ہوگی۔
Leave a Reply