دار چینی کا استعمال پاکستان کے ہر گھر میں ہی استعمال ہوتا ہے۔
اس کا ذائقہ اور مہک پکوان کا ذائقہ دوبالا کرتے ہیں جبکہ اس کے ساتھ ساتھ یہ مسالا صحت کے لیے بھی بہت زیادہ فائدہ مند ہے۔
یہ متعدد اینٹی آکسائیڈنٹس خصوصیات سے بھرپور مسالا ہے۔
اس کے چند حیرت انگیز فوائد درج ذیل ہیں۔
مچھروں کے کاٹنے سے ہونے والی جلن سے نجات
اگر مچھر یا کسی کیڑے کے کاٹنے سے جلن اور خارش ہورہی ہے تو دارچینی کے ایک ٹکڑے کو ایک چمچ شہد میں مکس کرکے پیسٹ تیار کریں اور پھر اسے متاثرہ جگہ پر لگالیں۔
کیل مہاسوں کا علاج
دارچینی کیل مہاسوں سے نجات دلانے کے لیے بھی مؤثر ہے۔
اس سے جِلد میں موجود بیکٹریا کو ختم کرنے میں مدد ملتی ہے۔
ایک چائے کے چمچ دار چینی کو ایک چائے کے چمچ جائفل اور ایک چمچ شہد میں مکس کریں۔
اس مکسچر کو متاثرہ جگہ پر لگائیں اور بیس منٹ کے بعد نیم گرم پانی سے دھو لیں۔
گردن کے درد سے نجات
دارچینی کے اندر موجود اجزا کندھوں اور گردن کی تکلیف میں کمی لانے میں مدد فراہم کرتے ہیں۔
اس مقصد کے لیے ایک جراب کا تین چوتھائی حصہ سفید چاول، 2 دار چینی کے ٹکڑوں اور ایک چمچ لونگ سے بھرلیں۔
اسے مائیکرو ویو میں دو منٹ تک گرم کریں اور پھر اپنی گردن کے گرد لپیٹ لیں۔
یہ عمل اس وقت جاری رکھیں جب تک مسالوں کی مہک ختم نہ ہو جائے۔
نظام ہاضمہ بہتر بنائے
دارچینی کا استعمال پیٹ پھولنے اور اضافی گیس اور اپھار کو کم کرتا ہے۔
اسے اپنی غذا کے ذریعے استعمال کریں یا کھانے کے بعد اس کا ٹکڑا چوس لیں، اس سے نظام ہاضمہ بہتر ہوتا ہے۔
چیونٹیوں سے نجات
دارچینی کا کا سفوف ان جگہوں پر چھڑک دیں جہاں سے چیونٹیاں گھر میں داخل ہوتی ہیں۔
اس کی مہک چیونٹیوں کو گھر سے دور رکھنے میں مدد فراہم کرتی ہے۔
سانس کی بو دور کریں
سانس میں بو پیدا ہو رہی ہو تو ایک ٹکڑے دارچینی کو چوسیں جس سے اس مسئلے کا جڑ سے خاتمہ ہوجائے گا۔
نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔
Leave a Reply