کنڑ فلم انڈسٹری کے معروف فلمساز اور کے جی ایف چیپٹر 2 کے کو ڈائریکٹر کرتن نداگوڑا کا 4 سالہ بیٹا عمارت کی لفٹ میں پھنس کر ہلاک ہوگیا۔
اطلاعات کے مطابق واقعے کے فوراً بعد ریسکیو کارروائی شروع کی گئی تاہم کمسن بچے چرنجیوی سونرش کو شدید چوٹیں آئیں جو جان لیوا ثابت ہوئیں۔
واقعے کے بعد کنڑ فلم انڈسٹری کی کئی معروف شخصیات نے دکھ اور تعزیت کا اظہار کیا ہے جب کہ فلمی حلقوں میں سوگ کی فضا قائم ہے۔
آندھرا پردیش کے نائب وزیر اعلیٰ اور اداکار پون کلیان نے سوشل میڈیا پر اس المناک واقعے کی تصدیق کرتے ہوئے گہرے رنج و غم کا اظہار کیا ہے۔
پون کلیان نے اپنے پیغام میں کہا کہ ہدایتکار کرتن نداگوڑا کے بیٹے کی المناک موت دل دہلا دینے والی ہے۔
مقامی میڈیا کے مطابق یہ حادثہ پیر کے روز پیش آیا تاہم خاندان کی جانب سے تاحال کوئی باضابطہ بیان جاری نہیں کیا گیا۔
واضح رہے کہ کرتن نداگوڑا کنڑ فلم انڈسٹری میں بطور اسسٹنٹ اور کو ڈائریکٹر اپنی شناخت بنا چکے ہیں، وہ مشہور ہدایت کار پرشانتھ نیل کی فلموں کے جی ایف فرنچائز اور سالار میں بطور سیکنڈ یونٹ ڈائریکٹر خدمات انجام دے چکے ہیں۔
کرتن نداگوڑا جلد ہی ایک ہارر فلم کے ذریعے تیلگو سنیما میں بطور ہدایتکار اپنے کیرئیر کا آغاز کرنے والے ہیں جسے میتھری مووی میکرز اور پرشانتھ نیل پروڈیوس کر رہے ہیں۔
Leave a Reply