ملک میں ہفتہ وار بنیادوں پر مہنگائی کی شرح میں 0.64 فیصد کی کمی ریکارڈ کی گئی ہے جس کے بعد مہنگائی کی مجموعی سالانہ شرح 4 فیصد پر آگئی۔
وفاقی ادارہ شماریات نے مہنگائی سے متعلق ہفتہ وار رپورٹ جاری کر دی۔
ادارہ شماریات کی رپورٹ کے مطابق ایک ہفتے میں 13 اشیاء ضروریہ کی قیمتوں میں اضافہ ہوا جبکہ 15 اشیاء سستی اور 23 کی قیمتوں میں استحکام رہا۔
رپورٹ کے مطابق ایک ہفتے میں لہسن 1.86 فیصد،کوکنگ آئل 1.54،انڈے 0.81 اورگھی 0.40 فیصد مہنگا ہوا۔
حالیہ ہفتے کیلے ، آٹا ، ایل پی جی اور سگریٹس کی قیمتوں میں بھی اضافہ ہوا۔
ادارہ شماریات کی رپورٹ کے مطابق ایک ہفتے میں ٹماٹر 30.11 فیصد،پیاز 12.41 اور آلو 6.92 فیصد سستے ہوئے جبکہ چکن 4.46 اور چینی کی قیمت میں 3.31 فیصد کی کمی ہوئی۔ اسی طرح دال چنا ، دال مسور ، ڈیزل اور پیٹرول بھی سستا ہوا۔
Leave a Reply