کراچی: ایس ایس پی ایسٹ فرخ رضا اور ڈپٹی کمشنر ایسٹ ابرار احمد جعفر کو عہدے سے ہٹا دیا گیا۔
فرخ رضا اور ابرار احمد جعفر کو عہدے سے ہٹانے کا نوٹیفکیشن جاری کردیا گیا، ابرار احمد کو محکمہ سروسز رپورٹ کرنے کی ہدایت کی گئی ہے۔
نوٹیفکیشن کے مطابق ڈپٹی کمشنر ملیر کو ڈپٹی کمشنر ایسٹ کا اضافی چارج دے دیا گیا۔
یاد رہے کہ اس سے قبل وزیراعلیٰ سندھ مراد علی شاہ کی ہدایت پر نیپا چورنگی پر مین ہول میں گرنے سے 3 سالہ بچے کے جاں بحق ہونے پر 5 متعلقہ افسران کو معطل کیاگیا۔
وزیراعلیٰ سندھ نے مین ہول میں بچے کے گرنے کے واقعے پر برہمی کا اظہار کرتے ہوئے چیف سیکرٹری کو کوتاہی کے مرتکب افراد کے خلاف کارروائی کی ہدایت کی تھی۔
وزیراعلیٰ کی ہدایت پر بلدیہ عظمیٰ کراچی کے سینئر ڈائریکٹر میونسپل سروسز عمران راجپوت، ٹاؤن میونسپل کارپوریشن گلشن اقبال کے اسسٹنٹ انجینئر راشد فیاض اور کراچی واٹر اینڈ سیوریج کارپوریشن کے ایگزیکٹو انجینئر وقار احمد کو معطل کیا گیا۔
وزیراعلیٰ کی ہدایت پر اسسٹنٹ کمشنرگلشن اقبال عامر علی شاہ اور مختیارکار گلشن اقبال سلمان فارسی کو بھی معطل کیا گیا۔
Leave a Reply