اسلام آباد ہائیکورٹ کے4 ججز نے 27 ویں آئینی ترمیم سپریم کورٹ میں چیلنج کرنے کا فیصلہ کیا ہے۔
ذرائع کے مطابق اسلام آباد ہائیکورٹ کے 4 ججزکی جانب سے آئینی ترمیم کے خلاف درخواست کا ڈرافٹ تیار کرلیا گیا۔
ذرائع کا کہنا ہے کہ جسٹس محسن اختر کیانی ، جسٹس بابر ستار ، جسٹس ثمن رفعت امتیاز اور جسٹس سردار اعجاز اسحاق خان درخواست گزاروں میں شامل ہیں۔
ذرائع کا کہنا ہے کہ جسٹس محسن اختر کیانی سمیت 4 ججز کی جانب سے آئینی ترمیم کو چیلنج کیا جائے گا۔
ذرائع کے مطابق ترمیم چیلنج کرنے کے لیے ڈرافٹ تیار کرکے سپریم کورٹ کو بھجوا دیا گیا، آج ہی 27 ویں ترمیم کے معاملے کو چیلنج کیا جائے گا۔
دوسری جانب ذرائع سپریم کورٹ کا کہنا ہے کہ سپریم کورٹ میں تاحال 27ویں ترمیم کے خلاف ہائیکورٹ ججز کی کوئی پٹیشن دائر نہیں ہوئی۔
اس کے علاوہ ذرائع وفاقی آئینی عدالت کے مطابق وفاقی آئینی عدالت میں بھی ججز کی جانب سے 27ویں ترمیم کے خلاف کوئی درخواست دائر نہیں ہوئی۔
Leave a Reply