پاکستان نے انٹرنیشنل کرکٹ کونسل (آئی سی سی) کا پاکستانی حملے میں 3 مقامی افغان کرکٹرز کی ہلاکت کا غیر مصدقہ دعویٰ مسترد کر دیا۔
وزیر اطلاعات عطا تارڑ نے انٹرنیشنل کرکٹ کونسل کے متعصب، سلیکٹو اور ناپختہ تبصرے کو مسترد کر دیا ہے جس میں پاکستان پر ایک بے بنیاد الزام لگایا گیا کہ پاکستانی حملے میں 3 مقامی افغان کرکٹر جان سے گئے ہیں۔
آئی سی سی نے 3 مقامی افغان کرکٹرز کی ہلاکت کا غیر مصدقہ دعویٰ کیا۔
وزیر اطلاعات عطا تارڑ نے سوشل میڈیا سائٹ ایکس پر بیان جاری کرتے ہوئے کہا کہ آئی سی سی نے اس حوالے سے کوئی آزادانہ ثبوت بھی نہیں دیا۔
عطا تارڑ کا کہنا ہے کہ پاکستان خود سرحدپار دہشت گردی کا شکار ہے، یہ سب آئی سی سی کے چیئرمین جے شاہ کے تحت آئی سی سی کی نئی قیادت کا پیٹرن بن چکا ہے۔
وزیر اطلاعات عطا تارڑ نے کہا کہ آئی سی سی کے بیان کو جے شاہ نے سوشل میڈیا اکاؤنٹ پر دہرایا، اس کے بعد افغان کرکٹ بورڈ نے بھی یہی دعویٰ دُہرایا۔
عطا تارڑ نے کہا کہ ان واقعات نے آئی سی سی کی غیر جانب دار حیثیت پر سوال کھڑا کر دیا۔
Leave a Reply