ہمارے عہدیداران کو ہٹایا جارہا ہے ایسے میں بات چیت ممکن نہیں: بیرسٹر گوہر

[ad_1]

2030 تک پلان کی جہاں تک بات ہےتوپلان تو سب کرتےہیں، دیکھتےہیں کیا ہوتا ہے: چیئرمین پی ٹی آئی/ فائل فوٹو

اسلام آباد: چیئرمین پی ٹی آئی بیرسٹر گوہر نے کہا ہے کہ ہمارے عہدیداران کو ہٹایا جارہا ہے ایسے میں بات چیت کیسے کریں۔

پارلیمنٹ ہاؤس کے باہر میڈیا سے گفتگو کرتے ہوئے بیرسٹر گوہر نے کہا کہ پاک فوج کی ملک کے لیے بہت قربانیاں ہیں، ملک کا دفاع کیا ہے، ابھی جنگ جیتی ہے، ہم اس کو قدر سے دیکھتےہیں۔

انہوں نے کہا کہ ہر کسی کی مدت کا تعین آئین کے مطابق ہونا چاہیے، ہم نے نہ اس قانون سازی کو چیلنج کیا ہے، نہ کرنے کا ارادہ ہے، 2030 تک پلان کی جہاں تک بات ہےتوپلان تو سب کرتےہیں، دیکھتےہیں کیا ہوتا ہے۔

چیئرمین پی ٹی آئی کا کہنا تھا کہ سیلاب پر تمام جماعتوں کو سیاست اور صوبائیت سے بالاتر ہوکر سب کی مددکرنےکی ضرورت ہے، اس وقت ملک میں سیلاب کی صورتحال ہے، پنجاب حکومت سے بھی کہتاہوں کہ مل کر سیلاب متاثرین کےساتھ تعاون کریں۔

بیرسٹر گوہر نے مزید کہا کہ خیبرپختونخوا کی حکومت سیلاب متاثرین کے لیےکوششیں کررہی ہے، پیر سے سیلاب متاثرہ علاقوں میں جا رہا ہوں، بونیر میں سلاب متاثرین کے ساتھ ہوں گا۔

ان کا کہنا تھا کہ ہمارے اپوزیشن لیڈرز کو عہدوں سے ہٹا دیا گیا، بات چیت کا عمل کیسے ہو جب آپ ہمارےعہدےداروں کو ہٹارہے ہیں، ہمارےارکان کو نااہل کیاجارہا ہے ایسے میں بات چیت ممکن نہیں۔

[ad_2]

Source link