کیا آپ جانتے ہیں کہ دنیا میں ایک ایسا شہر بھی ہے جہاں 2 انچ سے زیادہ کی ہیل پہننے کے لیے سرکاری پرمٹ ( اجازے نامے) کی ضرورت ہوتی ہے۔
غیر ملکی خبر ایجنسی کی رپورٹ کے مطابق ‘کارمل بائی دی سی’ کا چھوٹا شہر اس لیے مشہور ہے کہ سیاحوں کو قانونی طور پر 2 انچ سے اونچی ایڑھی والی جوتی میں چلنے کے لیے سرکاری اجازت نامہ لینا پڑتا ہے۔
کارمل بائی دی سی امریکی ریاست کیلیفورنیا کا ایک چھوٹا سا شہر ہے، جہاں اگر آپ کی ہیل کی اونچائی 2 انچ سے زیادہ ہے تو سٹی ہال سے اجازت حاصل کیے بغیر انہیں عوامی مقامات پر پہننا غیر قانونی ہے۔
یہ اجازت نامہ مفت جاری کیا جاتا ہے اور بہت سے سیاح اسے صرف ایک یادگار کے طور پر حاصل کرتے ہیں، چاہے انہیں ہیلز نہ پہننی ہوں تب بھی، یہ سرٹیفکیٹ سرکاری ہوتا ہے اور درخواست کرنے والے شخص کے نام پر جاری کیا جاتا ہے جب کہ اس پر ڈیوٹی پر موجود سٹی کلرک میں سے ایک کے دستخط ہوتے ہیں۔
کارمل بائی دی سی کی سڑکوں پر عوام میں اونچی ہیلز پہننے کو غیر قانونی بنانے کا قانون سٹی اٹارنی کی درخواست پر 1963 میں منظور کیا گیا تھا، اس وقت بھی یہ ایک قانونی عجیب بات تھی لیکن اس کا ایک خاص مقصد تھا جو آج بھی درست ہے۔
کیلیفورنیا کا یہ شہر بہت سے صنوبر اور مونٹیری پائنز سے بھرا پڑا ہے جن میں سے بہت سے متاثر کن سائز میں بڑھ چکے ہیں، ناہموار فٹ پاتھ اور ہیلز واقعی ایک ساتھ نہیں ہوسکتیں۔
درحقیقت، سٹی اٹارنی نے ٹرپنگ کے خطرے کو اتنا زیادہ سمجھا کہ اس نے ایک پرمٹ نافذ کرنے کی تجویز پیش کی تاکہ لوگوں کو کسی حادثے کی صورت میں شہر پر مقدمہ کرنے سے روکا جا سکے۔
پولیس کبھی بھی اس غیر معمولی قانون کو نافذ نہیں کرتی ہے لیکن اگر آپ 2 انچ سے اونچی ہیلز پہنتے ہوئے گر جاتے ہیں جس کی بیئرنگ سطح ایک مربع انچ سے کم ہوتی ہے تو آپ میونسپلٹی پر بھی مقدمہ نہیں کر سکتے۔
Leave a Reply