پنجاب اور خیبرپختونخوا کے مختلف اضلاع میں گرج چمک کے ساتھ بارش کا امکان ہے۔
نیشنل ایمرجنسی آپریشن سینٹر نے اگلے 24 گھنٹوں کے دوران ممکنہ موسمی صورتحال پر ایڈوائزری جاری کر دی۔
این ڈی ایم اے کے مطابق راولپنڈی، اسلام آباد میں آندھی، طوفان اور گرج چمک کے ساتھ بارش متوقع ہے، اس کے علاوہ فیصل آباد، لاہور، نارووال، اٹک، جہلم، چکوال، میانوالی اور سیالکوٹ میں بھی بادل برسنے کا امکان ہے۔
خیبر پختونخوا کے علاقے مردان، پشاور، صوابی، چارسدہ، نوشہرہ، بٹگرام، مانسہرہ، ایبٹ آباد میں بھی آندھی، طوفان اور گرج چمک کے ساتھ بارشوں کی پیشگوئی کی گئی ہے۔
دوسری جانب سندھ اور بلوچستان کے بیشتر اضلاع میں آج بھی موسم گرم اور خشک رہے گا۔
گزشتہ روز سب سے زیادہ درجہ حرارت سبی میں 51 ڈگری سینٹی گریڈ رکارڈ کیا گیا ۔
Leave a Reply