چین میں ایک 44 سالہ خاتون 12 منزلہ عمارت سے گر جانے کے باوجود کرشماتی طور پر بچ گئی۔
درحقیقت زمین سے ٹکرانے کے بعد اس کی حالت اتنی بہتر تھی کہ اس نے مدد کے لیے شوہر کو خود پکارا۔
یہ عجیب واقعہ جنوب مشرقی چین کے صوبہ جیانگشی میں پیش آیا۔
13 مئی کو پینگ نامی خاتون کو اپنے شوہر کی کال موصول ہوئی جو کھڑکیاں لگانے کا کام کرتا تھا اور وہ اپنی بیوی سے ایک بالکونی پر کھڑکی لگانے کے لیے مدد چاہتا تھا۔
خاتون کا خیال تھا کہ وہ بالکونی سے بہت دور اور کمرے کے اندر محفوظ ہے تو اس نے تحفظ کے لیے رسی کو جسم کے ساتھ نہیں باندھا، یعنی وہ فیصلہ کیا جو لگ بھگ جان لیوا ثابت ہوا۔
جوڑے کی جانب سے ایک کرین کو بھاری کھڑکی کو سطح زمین سے 12 ویں منزل تک پہنچانے کے لیے استعمال کیا گیا۔
مگر جب کھڑکی کو اوپر لے جایا جا رہا تھا وہ ایک درخت کی شاخوں سے ٹکرائی اور نیچے گرگئی جس کے نتیجے میں کرین کو شدید جھٹکا لگا اور اسے ریموٹ کے ذریعے کنٹرول کرنے والی پینگ بھی 12 ویں منزل سے نیچے جا گری۔
خاتون نے بتایا کہ ‘مجھے اس وقت لگا تھا کہ میں مرنے والی ہوں’۔
مگر زمین سے ٹکرانے کے بعد وہ کرشماتی طور پر زندگی بچ گئی اور ایک شامیانے سے ٹکرا کر سطح تک پہنچی۔
اس شامیانے نے 12 ویں منزل سے نیچے گرنے کے جھٹکے کا زیادہ اثر جذب کرلیا اور زمین سے ٹکرانے کے بعد پینگ کو تکلیف محسوس نہیں ہوئی بس اس کے لیے حرکت کرنا ممکن نہیں رہا اور وہ زمین پر لیٹ گئی۔
خاتون نے شوہر کو بتایا کہ وہ وہ زندہ ہے اور فوری طور پر ایمبولینس کو طلب کیا جائے۔
خاتون کو فوری طور پر اسپتال منتقل کیا گیا جہاں انکشاف ہوا کہ اس کیبائیں ٹانگ، دائیں اور کمر کے زیریں حصے میں فریکچر ہوا ہے، جس کے بعد سرجری کی گئی۔
اس سے ہٹ کر جسم کو زیادہ شدید نقصان نہیں پہنچا اور ڈاکٹروں کو توقع ہے کہ وہ 6 ماہ میں پہلے کی طرح چلنے پھرنے کے قابل ہو جائے گی۔
Leave a Reply