بحرین میں مرحوم شاعر رخسار ناظم آبادی کی یاد میں عالمی مشاعرہ منعقد کیا گیا جس میں پاکستان اور دیگر ممالک سے نامور شعراء نے شرکت کی۔
انجمن فروغِ ادب بحرین کے زیرِ اہتمام 15 مئی کی شام گولڈن ٹیولپ ہوٹل کے ہال میں ایک شاندار سترھواں سالانہ عالمی مشاعرہ منعقد ہوا جو بحرین کے ادبی منظرنامے کا ایک اہم اور یادگار لمحہ بن گیا۔
یہ مشاعرہ مرحوم رخسار ناظم آبادی کی ادبی خدمات کے اعتراف میں اُن کی یاد کو تازہ کرنے کے لیے منعقد کیا گیا، جنہوں نے بحرین میں اردو ادب کے فروغ میں نمایاں کردار ادا کیا۔
مشاعرے کی صدارت معروف شاعر نصرت صدیقی نے فرمائی، جبکہ مہمان خصوصی بحرین کی معروف سماجی و کاروباری شخصیت قمر الحسن صاحب تھے جن کی سنجیدہ شاعری اور گہری فکری بصیرت نے سامعین کو بہت متاثر کیا۔
مشاعرے میں شرکت کے لیے پاکستان اور دیگر ممالک سے نامور شعراء کو مدعو کیا گیا، جن میں عباس تابش، فاضل جمیلی، عمیر نجمی، مدبر آسان، اور نیلوفر افضل جیسے معتبر نام شامل تھے۔ ان مہمان شعراء نے اپنے کلام سے مشاعرے کو چار چاند لگا دیے۔
Leave a Reply