[ad_1]
اسلام آباد: پاکستان اوربھارت کے درمیان جوہری تنصیبات اورسہولتوں کی فہرستوں کا تبادلہ ہوگیا۔
ترجمان دفتر خارجہ طاہر حسین اندرابی نے ہفتہ وار پریس بریفنگ کے دوران بتایا کہ نئے سال کے آغاز پر پاکستان اور بھارت کے درمیان قیدیوں کی فہرستوں کا تبادلہ ہوا، پاکستان میں 257 بھارتی قیدیوں کی فہرست کا تبادلہ کیا گیا جبکہ بھارتی وزارت خارجہ نے بھارت کی فہرست نئی دہلی میں پاکستانی ہائی کمیشن کے نمائندے کو فراہم کی۔
طاہر حسن اندرانی نے بتایا کہ پاکستان اور بھارت کے درمیان جوہری تنصیبات کی فہرست کا بھی تبادلہ یکم جنوری کوکیا جاتا ہے، دونوں ممالک نے جوہری تنصیبات کی فہرست بھی ایک دوسرے کے حوالے کی۔
اس حوالے سے سفارتی ذرائع کا کہنا ہے کہ جوہری تنصیبات سے متعلق معاہدے پر پاکستان اور بھارت نے 31 دسمبر 1988 کو دستخط کیے تھے، معاہدے کےتحت دونوں ممالک ہر سال یکم جنوری کو جوہری تنصیبات و سہولتوں کی فہرستوں کا تبادلہ کرتے ہیں۔
ترجمان دفتر خارجہ کا کہنا تھا پاکستان یمن میں صورتحال معمول پر لانے کیلئے علاقائی کوششوں کا خیر مقدم کرتا ہے، اور یمن کے تنازعے کے پُرامن حل کی حمایت کرتا ہے، پاکستان سعودی عرب کے ساتھ مکمل اظہار یکجہتی کا اعادہ کرتا ہے۔
انہوں نے کہا کہ پاکستان اسرائیل کی طرف سے صومالی لینڈ کو الگ ملک تسلیم کرنے کے اقدام کو یکسر مسترد کرتا ہے، پاکستان صومالیہ کی خودمختاری اور علاقائی سالمیت کی حمایت کرتا ہے۔
[ad_2]
Source link
Leave a Reply