اسنوکر ایسا کھیل ہے جو بیشتر بالغ افراد کے لیے کھیلنا بھی مشکل ہوتا ہے۔
مگر ایک 2 سالہ بچے نے اسنوکر سے جڑے 2 گنیز ورلڈ ریکارڈز اپنے نام کرلیے ہیں اور مشکل شاٹس کھیلنے والے کم عمر ترین فرد کا اعزاز اپنے نام کرلیا ہے۔
برطانوی شہر مانچسٹر سے تعلق رکھنے والے جوڈی اوئنز نے پول بینک شاٹ کو کامیابی سے کھیلنے میں کامیابی حاصل کی۔
ایسا اس نے 12 اکتوبر 2025 میں کیا تھا جب اس کی عمر 2 سال 302 دن تھی۔
اس سے قبل 2 سال 261 دن کی عمر میں اس بچے نے اسنوکر ڈبل پوٹ کو مکمل کیا تھا۔
اس طرح جوڈی کا نام گنیز ورلڈ ریکارڈز میں درج ہوگیا۔
گنیز ورلڈ ریکارڈز نے اس بچے کو اسنوکر کی ان شاٹس کو مکمل کرنے والا کم عمر ترین فرد قرار دیا ہے۔
جوڈی کے والد لیوک اوئنز نے سب سے پہلے گھر میں اپنے بیٹے کی اسنوکر کے حوالے سے قدرتی صلاحیت کو دیکھا تھا۔
لیوک اوئنز نے بتایا کہ ‘میرے خیال میں جب اس نے چھڑی کو اپنی انگلیوں سے استعمال کیا تو مجھے احساس ہوگیا کہ یہ کھیلنے کی صلاحیت رکھتا ہے’۔
انہوں نے مزید بتایا کہ اسٹول کے ذریعے ان کا بیٹا اسنوکر ٹیبل تک پہنچ کر کھیلتا ہے۔
گنیز ورلڈ ریکارڈز کے عملے نے جوڈی کی صلاحیت کا مشاہدہ 2025 یوکے چیمپئن شپ کے موقع پر کیا۔
Leave a Reply