کیا آپ ایک منٹ کا ایک کروڑ ڈالر معاوضہ لینے والے اداکار کا نام جانتے ہیں؟

[ad_1]

آپ نے یقیناً بالی وڈ اداکاروں کیلئے کروڑوں کا معاوضہ تو کئی بار سنا ہوگا لیکن کیا آپ جانتے ہیں ہالی وڈ کے کئی اداکار ایسے بھی جو فلم میں چند منٹوں کی اداکاری کیلئے لاکھوں ڈالر معاوضہ وصول کرتے ہیں۔

مثال کے طور ہالی وڈ سپر اسٹار ٹام کروز کو ان کی فلم’ دی مشن امپاسبل دی فائنل ریکننگ‘ کیلئے 100 ملین ڈالر سے 120 ملین ڈالر کا معاوضہ دیا گیا اس معاوضے کا حساب کتاب اگر فلم میں ٹام کروز کے اسکرین ٹائم سے لگایا جائے تو ٹام کروز کو اس فلم میں ایک منٹ کا معاوضہ10 لاکھ ڈالر دیا گیا۔

اسی طرح ہالی وڈ کے رابرٹ ڈونی جونیئر اپنی آنے والی2 فلمز میں 60 منٹ سے بھی کم اسکرین ٹائم کیلئے 80 ملین ڈالر معاوضہ وصول کریں گے جب کہ ڈیوائن جانسن کی ایک گھنٹے کی اسکرین ٹائم کا معاوضہ 80 سے 100 ملین ڈالر ہے۔

لیکن کیا آپ جانتے ہیں ہالی وڈ میں ایک اداکار ایسا بھی ہے جس کے ایک منٹ کا معاوضہ 10 یا 20 نہیں بلکہ ایک کروڑ ڈالر ہے ؟ جی ہاں یہ حقیقت ہے کہ ہالی وڈ اداکار جونی ڈیپ کے ایک منٹ کا معاوضہ ایک کروڑ ڈالر ہے؟

جونی ڈیپ ہالی وڈ کی مشہور زمانہ فلم پائریٹس آف دی کیریبین میں اپنی اداکاری کے سبب دنیا بھر میں شہرت سمیٹے ہوئے ہیں۔

ستمبر 2008 میں، جونی ڈیپ ہدایتکار ٹم برٹن کی فلم ’ایلس ان ونڈر لینڈ‘ میں جلوہ گر ہوئے ، جونی ڈیپ کو ہدایتکار ٹم برٹن کا قریبی دوست بھی کہا جاتا ہے۔

108 منٹ پر مشتمل اس فلم میں جونی ڈیپ نے میڈ ہیٹر نامی شخص کا کردار کیا یہ کردار دراصل 7 منٹ پر مشتمل ایک کیمیو کردار تھا جس کیلئے جونی ڈیپ کو ایک منٹ کا معاوضہ ایک کروڑ ڈالر دیا گیا۔

مزید برآں ایلس ان ونڈر لینڈ باکس آفس پر ایک بلین ڈالر کے بزنس کے ساتھ ان برسوں سب سے زیادہ بزنس کرنے والی فلم رہی۔

[ad_2]

Source link