کراچی کے مختلف علاقوں میں سکیورٹی کے پیش نظر متعدد سڑکیں اور شاہراہیں آج بھی بند ہیں جس کے باعث کئی اہم سڑکوں پر شدید ٹریفک جام ہے۔
ایم ٹی خان روڈ سے پی آئی ڈی سی روڈ اور مائی کولاچی روڈ ریلوے پھاٹک تک ٹریفک کیلئے آج بھی بند ہے، سڑکوں کی بندش کے باعث آئی آئی چندریگر روڈ پر ٹریفک کی روانی شدید متاثر ہے۔
بلاول ہاؤس اورکلفٹن سے جناح برج مائی کولاچی جانے والے ٹریفک کو بوٹ بیسن سے تین تلوارکا متبادل راستہ فراہم کیاگیاہے، کلفٹن برج، میٹروپول، فوارہ چوک سے بائیں جانب شاہین کمپلیکس کاراستہ بھی استعمال کیا جاسکتا ہے۔
ٹریفک پولیس کا کہنا ہے کہ آئی سی آئی چوک ماڑی پور روڈ سے بوٹ بیسن جانے والے شہری جناح برج سے بائیں جانب آئی آئی چندریگر روڈ استعمال کریں،آئی سی آئی چوک سے بائیں جانب کتیانہ میمن اسپتال سے نواب مہابت خانجی روڈ کا بھی متبادل راستہ فراہم کیاگیا ہے۔
شارع فیصل سے جناح برج جانے والوں کو پی آئی ڈی سی سے آئی آئی چندریگر روڈ اختیارکرنے کی ہدایت کی گئی ہے۔
Leave a Reply