خیبرپختونخوا کے مختلف علاقوں می سکیورٹی فورسز کی کارروائیوں میں بھارتی پراکسی فتنہ الخوارج کے4دہشت گرد ہلاک ہوگئے۔
پاک فوج کے شعبہ تعلقات عامہ( آئی ایس پی آر) کے مطابق سکیورٹی فورسز کی کارروائیاں 17 اور 18 نومبرکےدوران ہوئیں جن میں بھارتی پراکسی فتنہ الخوارج کے4دہشت گرد ہلاک کیے گئے۔
آئی ایس پی آر نے بتایا کہ سکیورٹی فورسز نے باجوڑ میں خفیہ اطلاع پر آپریشن کیا اور خوارج کے ٹھکانے کو مؤثر طریقے سے نشانہ بنایا۔
آئی ایس پی آر کے مطابق باجوڑ میں شدید فائرنگ کے تبادلے کے بعد ایک خوارجی کو ہلاک کیاگیا۔
آئی ایس پی آر کا کہنا ہے کہ شمالی وزیرستان کے علاقوں اسپین وام اور ذاکرخیل میں بھی خفیہ اطلاعات پر آپریشن کیے گئے۔
آئی ایس پی آر کے مطابق اسپن وام اور ذاکرخیل کی کارروائیوں میں 2 مزید خوارج ہلاک کیے گئے۔اس کے علاوہ سکیورٹی فورسز نے ڈیرہ اسماعیل خان میں ایک اور خوارجی کو ہلاک کیا۔
آئی ایس پی آر نے بتایا کہ بھارتی سرپرستی میں سرگرم ان ہلاک خوارج سے اسلحہ اور گولہ بارود بھی برآمد ہوا، یہ خوارج ان علاقوں میں متعدد دہشت گردانہ سرگرمیوں میں ملوث تھے۔
آئی ایس پی آر کا کہنا ہے کہ علاقےمیں موجود کسی بھی بھارتی پشت پناہی یافتہ خوارجی کے خاتمے کے لیے کلیئرنس آپریشن جاری ہے۔
Leave a Reply